spot_img
अहमदनगरAhmednagar: नगरकर सज्ज‎!! 'ते' महामार्ग बंद, जरांगे पाटील आज जिल्ह्यात, ४ टन...

Ahmednagar: नगरकर सज्ज‎!! ‘ते’ महामार्ग बंद, जरांगे पाटील आज जिल्ह्यात, ४ टन पोहे, २ टन पिठले, अन बरच काही..

spot_img

अहमदनगर | नगर सहयाद्री
मराठा आरक्षणाच्या मागणीसाठी मनोज जरांगे पाटील यांच्या नेतृत्वाखाली मुंबईकडे जाणारी पदयात्रा आज दि २१ व २२ जानेवारीला नगर जिल्ह्यातून जाणार आहे. पोलिस प्रशासनाकडून नियोजन करण्यात येणार आहे.

नगर पाथर्डी महामार्गावरून यात्रा नगरजवळ बाराबाभळी येथे मुक्कामी येणार आहे. तेथून २२ जानेवारीला नगरमार्गे सुपा, रांजणगावच्या दिशेने यात्रा जाणार आहे. पाथर्डी-नगर व नगर-पुणे महामार्गावरून ही यात्रा जाणार असल्याने पोलिस प्रशासनाने या मार्गावरील बंदोबस्त, वाहतुकीसाठी पर्यायी मार्ग आदींचे नियोजन केले आहे.

नगर शहरातून जीपीओ चौक, मार्केट यार्ड, बसस्थानक चौक, सक्कर चौक, कायनेटिक चौक, केडगावमार्गे पुणे महामार्गाने यात्रा रवाना होणार आहे. त्यामुळे नगर शहरातही मोठी वाहतूक कोंडी होण्याची शयता आहे. त्यादृष्टीने पोलिस प्रशासनाकडून नियोजन सुरू आहे.

यात्रेच्या स्वागतासाठी नगरकर सज्ज !

मनोज जरांगे पाटील यांच्या पदयात्रेचे वादळ आज, जिल्ह्यात धडकणार आहे. या पदयात्रेतील आंदोलकांची सेवा आणि स्वागतासाठी मराठा समाजासह नगरकरही सज्ज आहेत. मराठा आंदोलक मनोज जरांगे यांची पाथर्डी रोडवरील बाराबाभळी येथे सायंकाळी सभा होणार आहे. यासाठी दिडशे एकर जमिनीवर स्वच्छता करण्यात आली असून भव्य व्यासपीठ उभारण्यात आले आहे.

४ टन पोहे…२ टन पिठले अन् भाकरी!

नगर जिल्ह्यातील पाथर्डी तालुक्यात जरांगे यांच्यासह येणाऱ्या लाखो सहकाऱ्यांचे सकल मराठा समाजातर्फे स्वागत करण्यात येणार आहे. पदयात्रेत सहभागी चार ते पाच लाख मोर्चेकरी येणार असल्याचा अंदाज गृहीत धरून मराठा बांधवांसाठी ४ टन पोहे आणि जेवणासाठी २ टन पिठले तयार करण्यात येणार आहे. पाथर्डी व शेवगाव तालुक्यातील सुमारे ७५ ते ८० गावांतून चपाती, भाकरी, पिठलं व इतर साहित्य जमा करण्यात येईल, तर भाजी, खिचडी, लापशी, पोहे पाथर्डी तालुक्यातील आगसखांड येथेच बनवण्यात येणार आहे.

आणखी महत्वाच्या बातम्या

आणखी वाचा

‘महाराष्ट्राच्या राजकारणात पुढच्या आठ दिवसात राजकीय स्फोट होणार’, चर्चांना उधाण

यवतमाळ / नगर सह्याद्री : महाराष्ट्राच्या राजकारणात मागील काही दिवसांपासून विविध घडामोडी घडतायेत. नुकतेच...

Politics News : अशोक चव्हाणांनी केला आणखी एक भूकंप ! ‘त्या’ ५५ बड्या नेत्यांनी काँग्रेसला ठोकला रामराम

नांदेड / नगर सह्याद्री : माजी मुख्यमंत्री अशोक चव्हाण यांनी भाजपमध्ये येत काँग्रेसला...

‘मंत्री विखे पाटील यांच्या माध्यमांतून सव्वा दोन कोटींची विकासकामे’

सचिन वराळ पाटील यांची माहिती निघोज। नगर सहयाद्री- निघोज - अळकुटी जिल्हा परिषद गटातील २२ गावांमध्ये...

मराठा आंदोलनाचा थरार ! समृद्धी महामार्ग अडवण्याचा प्रयत्न, तरुणाने भररस्त्यात जाळली नवीकोरी बाईक

जालना / नगर सह्याद्री : राज्य सरकारने मराठा समाजाला १० टक्के स्वतंत्र आरक्षण...