जैन महासंघाची तालुका कार्यकारणी घोषित
पारनेर / नगर सह्याद्री –
तालुक्यातील टाकळी ढोकेश्वर येथील रहिवासी व नगर येथील महावीर उद्योग समुहाचे उद्योजक राजेश भंडारी यांची जैन महासंघाच्या तालुकाध्यक्षपदी निवड झाली आहे. तर उपाध्यक्षपदी खडकवाडी येथील प्रसाद कर्नावट यांची बिनविरोध निवड करण्यात आली आहे. पारनेर तालुक्यातील या जैन संघटनेच्या अध्यक्षपदी व उपाध्यक्ष पदी सामाजिक व राजकीय घडामोडीतील दोन तरूणांना पहिल्यांदा संधी मिळाली आहे.
रविवारी महावीर जयंती निमित्ताने आयोजित केलेल्या कार्यक्रमात व बैठकीत ही बिनविरोध निवड जाहीर करण्यात आली आहे. पारनेर तालुका जैन महासंघ अध्यक्ष उपाध्यक्ष व इतर कार्यकारिणी घोषित करण्यात आली असून पारनेर तालुका जैन महासंघाचा अध्यक्षपदी राजेशजी संतोष भंडारी, उपाध्यक्ष पदी प्रसाद कर्नावट, उपाध्यक्ष प्रदिप गांधी, सचिव पदी सचिनजी कुंदनलालजी साखला, खचिनदार पदी विलासजी कटारिया, सरचिटणीस पंकजजी पिपाडा, सोशलमिडीया समन्वय यशजी लोढ़ा, यांची निवड झाली.
पारनेर तालुक्यतील सर्व ४६ गावांचे जैन संघटणेचे अध्यक्ष उपस्थित होते. जैन समाजाच्या वतीने सर्वानुमते बिनविरोध निवड करण्यात आली. या नवनिर्वाचीत पदाधिकारी यांचे संस्थानपक अध्यक्ष कुंदनकाका साखला यांचा हस्ते सर्व गावांचे जैन संघटनेच्या वतीने नवनिर्वाचीत पदाधिकारी सत्कार करण्यात आला.
तालुकाध्यक्ष पदी पिता – पुत्रांना संधी..
महावीर जयंतीचे औचित्य साधून पारनेर तालुका जैन महासंघाच्या तालुकाध्यक्षपदी राजेश भंडारी यांची बिनविरोध निवड करण्यात आली आहे. या अगोदर राजेश भंडारी यांचे वडील संतोष भंडारी यांना पण या पदावर अनेक वर्षे काम करण्याची संधी मिळाली होती. एक समाजाभिमुख व दिलदार नेतृत्व म्हणून समाजात राजेश भंडारी यांचा नावलौकिक असुन जैन समाजाचे विविध प्रश्न सोडवण्यासाठी प्रयत्न करणार असल्याचे भंडारी यांनी सांगितले तर या महासंघाच्या माध्यमातून सामाजिक व आरोग्य रक्तदान शिबीरासह इतर सामाजिक उपक्रम राबविण्यात येणार असल्याचे राजेश भंडारी यांनी सांगितले.
