spot_img
अहमदनगरAhmednagar Mahapalika news : महापालिकेच्या 'त्या' निर्णयाविरोधात काँग्रेसपाठोपाठ व्यापारी संघटना आक्रमक

Ahmednagar Mahapalika news : महापालिकेच्या ‘त्या’ निर्णयाविरोधात काँग्रेसपाठोपाठ व्यापारी संघटना आक्रमक

spot_img

किरण काळे यांच्या नेतृत्वाखाली काँग्रेसची व्यापारी, दुकानदारांशी संवाद मोहीम
Ahmednagar Mahapalika news : अहमदनगर | नगर सह्याद्री – 
मनपा हद्दीतील सुमारे ३५५ प्रकारच्या विविध दुकानदार, व्यापारी आस्थापनांकडून रुपये १५ हजारां पर्यंत व्यवसाय परवाना शुल्क आकारणीच्या निर्णयाला महासभेच्या मंजुरीनंतर प्रशासनाने प्रत्यक्ष अंमलबजावणीची तयारी सुरू केली आहे. याला शहर काँग्रेसने कडाडून विरोध केला आहे. त्यानंतर आता विविध व्यापारी संघटना देखील या विरोधात आक्रमक झाल्या आहेत. शहर काँग्रेस जिल्हाध्यक्ष किरण काळे यांच्या नेतृत्वाखाली या बेबंदशाही विरोधात जनजागृतीसाठी व्यापारी, दुकानदारांच्या विविध संघटना, असोसिएशनचे पदाधिकारी, सदस्यांच्या भेटीगाठींसह संवाद मोहीम उघडण्यात आली आहे. याला मोठा प्रतिसाद मिळत आहे.

मनपाला काँग्रेसने दिलेल्या निवेदनाचे पत्र व्यापारी संघटनांना दिले जात आहे. महाराष्ट्र राज्य सराफ सुवर्णकार संघटनेचे राज्य उपाध्यक्ष सुभाष मुथा यांनी देखील संघटनेच्या वतीने तीव्र विरोध केला आहे. एमजी रोड व्यापारी असोसिएशनचे अध्यक्ष शामराव देडगावकर, सचिव किरण व्होरा, नंदलाल दोडेजा, सुशील येवलेकर, विशाख वैद्य, संजय भंडारी, आदित्य गांधी, नरेंद्र कटारिया, दीपक तलरेजा, घर संसारचे अशोकशेठ उपाध्ये आदींनी देखील असोसिएशनच्या वतीने सदर निर्णयाला तीव्र विरोध दर्शविला आहे.

यावेळी ब्लॉक काँग्रेस अध्यक्ष मनोज गुंदेचा, माजी नगरसेवक संजय झिंजे, कामगार काँग्रेस सेलचे जिल्हाध्यक्ष विलास उबाळे, उपाध्यक्ष अलतमश जरिवाला, क्रीडा व युवक काँग्रेस शहर जिल्हाध्यक्ष आकाश आल्हाट, उपाध्यक्ष विकास भिंगारदिवे, आनंद जवंजाळ, अभिनय गायकवाड, विजयकुमार गायकवाड आदी उपस्थित होते.

काँग्रेसचे एकजुटीचे आवाहन
किरण काळे यांनी आवाहन केले आहे की, शहरात छोट्या-मोठ्या विविध व्यवसायांच्या मध्यवर्ती बाजारपेठेसह उपनगरांमध्ये मिळून सुमारे ८० हून अधिक संघटना आहेत. सर्वांनी एकजूट दाखवावी. आपले दुकान, व्यवसाय जिथे आहे त्या प्रभागाच्या नगरसेवक, त्यांच्या राजकिय पक्षांनी महासभेत ठराव मंजूर केलाच कसा असा जाब प्रत्येकाला विचारावा. हा व्यावसायिकांच्या तिजोरीवर वाजत-गाजत दिवसा-ढवळ्या दरोडा घालण्याचा प्रयत्न आहे. हे भूत कायमस्वरूपी मानगुटीवर बसण्यापूर्वीच लोकशाही मार्गाने हाणून पाडण्यासाठी व्यवसायिकांनी एकजूट दाखविण्याचे आवाहन काळे यांनी केले आहे.

आणखी महत्वाच्या बातम्या

आणखी वाचा

राष्ट्रवादी विधानसभेला एकत्र लढणार की स्वबळावर? मोठी माहिती आली समोर..

मुंबई। नगर सहयाद्री विधानसभेच्या पाश्वभूमीवर सर्वच राजकीय पक्षांकडून रणनीती आखण्यास सुरवात झाली आहे. शिवसेना पक्षाचे...

का झाला शिर्डीत पराभव? माजी खा. लोखंडे यांनी स्पष्टच सांगितले ‘कारण’

अहमदनगर | नगर सह्याद्री अयोध्येत बांधण्यात आलेल्या श्रीराम मंदिरांचा भाजपला राजकीय फायदा होणार असे गणित...

शिक्षक विधानपरिषद निवडणुकीत ‘हे’ तालुके ठरणार ‘निर्णायक’, कुणाला मिळणार आघाडी? वाचा सविस्तर..

अहमदनगर । नगर सहयाद्री- विधान परिषदेच्या नाशिक विभाग शिक्षक मतदारसंघाच्या निवडणुकीसाठी येत्या २६ तारखेला मतदान...

महायुतीला वेध लागले मंत्रिमंडळ विस्ताराचे? नगरमधून ‘यांच्या’ नावांची जोरदार चर्चा

मुंबई । नगर सहयाद्री- लोकसभा निवडणुकीतील निराशाजनक कामगिरीनंतर विधानसभेला सामोरे जाण्यापूर्वी राज्यात महायुतीला मंत्रिमंडळ विस्ताराचे...