spot_img
अहमदनगरAhmednagar News : ऊसतोड सुरु असतानाच आढळले बिबट्याचे बछडे, अहमदनगरमधील 'या' गावात...

Ahmednagar News : ऊसतोड सुरु असतानाच आढळले बिबट्याचे बछडे, अहमदनगरमधील ‘या’ गावात खळबळ

spot_img

सुपे / नगर सह्याद्री : पारनेर तालुक्यातील रूईछत्रपती येथे ऊसतोडणीचे काम सुरू असताना मजुरांना बिबट्याचे तीन बछडे आढळून आले. अचानक बिबट्याची बछडे आढळून आल्याने मजूरांसह परिसरातील शेतकरी भयभीत झाले. या वेळी वनरक्षक, वनपाल, वनपरिक्षेत्र पारनेर यांच्याकडून ऊसतोडणी तात्पुरती थांबवण्यात आली.

पारनेर तालुक्यातील रूईछत्रपती शिवारात सध्या उसतोडणीचे काम सुरू आहे. पाझर तलावाखाली पांदन रस्त्यालगत परिसरात शेतकरी दिनकर रावसाहेब दिवटे यांच्या शेतातील ऊस मजूर तोडत असताना तीन बछडे आढळून आले. याबाबत मजुरांनी शेत मालकाला या घटनेची माहिती दिली. दिवटे यांनी ही माहिती वनविभागाला दिली.

घटनेची माहिती गावात पसरताच नागरिकांनी घटनास्थळी धाव घेतली. वनरक्षक उमा केंद्रे यांनी उपस्थित ग्रामस्थांना बिबट्या विषयी माहिती देत जनजागृती केली. पशुवैद्यकीय अधिकारी वाळवणे यांना पाचारण करून या पिल्लांची तपासणी केली. त्या बछड्यांना ज्या ठिकाणी ती मिळाली त्याच ठिकाणी व्यवस्थित कॅरेट मध्ये आईसोबत पुनर्मिलनासाठी ठेवली.

केंद्रे यांनी दिलेल्या माहितीनुसार बिबट्याच्या तिन्ही पिल्लांना वनविभागाद्वारे संरक्षण देण्यात आले आहे. मादी बिबट्या व पिल्लांवर नजर ठेवण्यात आली आहे. रुईछ्त्रपती येथील टेंभी तलावालगत शाश्वत पाणी उपलब्ध असल्याने यंदा उसाची लागवड करण्यात आली. ऊस सध्या तोडणीला आल्यामुळे मजुरांकडून आठ दिवसांपासून तोड सुरु आहे.

दिवटे यांच्या शेतात ऊसतोड सुरु असताना बिबट्याचे बछडे आढळून आल्याने आणखी किती बछडे व नर, मादी याठिकाणी आहेत याबाबत तर्कवितर्क लावले जात आहेत. आपल्या बछड्यांना घेण्यासाठी नर किंवा मादी येईल त्यासाठी ते आहे त्याच ठिकाणी ठेवले असून वनविभागाच्या वतीने नजर ठेवण्यात आली आहे.

 

आणखी महत्वाच्या बातम्या

आणखी वाचा

‘महाराष्ट्राच्या राजकारणात पुढच्या आठ दिवसात राजकीय स्फोट होणार’, चर्चांना उधाण

यवतमाळ / नगर सह्याद्री : महाराष्ट्राच्या राजकारणात मागील काही दिवसांपासून विविध घडामोडी घडतायेत. नुकतेच...

Politics News : अशोक चव्हाणांनी केला आणखी एक भूकंप ! ‘त्या’ ५५ बड्या नेत्यांनी काँग्रेसला ठोकला रामराम

नांदेड / नगर सह्याद्री : माजी मुख्यमंत्री अशोक चव्हाण यांनी भाजपमध्ये येत काँग्रेसला...

‘मंत्री विखे पाटील यांच्या माध्यमांतून सव्वा दोन कोटींची विकासकामे’

सचिन वराळ पाटील यांची माहिती निघोज। नगर सहयाद्री- निघोज - अळकुटी जिल्हा परिषद गटातील २२ गावांमध्ये...

मराठा आंदोलनाचा थरार ! समृद्धी महामार्ग अडवण्याचा प्रयत्न, तरुणाने भररस्त्यात जाळली नवीकोरी बाईक

जालना / नगर सह्याद्री : राज्य सरकारने मराठा समाजाला १० टक्के स्वतंत्र आरक्षण...