spot_img
ब्रेकिंगअहमदनगर : मित्राने व्यायामाला मारली दांडी..१० ते १५ जण भल्या पहाटेच घुसले...

अहमदनगर : मित्राने व्यायामाला मारली दांडी..१० ते १५ जण भल्या पहाटेच घुसले घरात..त्यानंतर..साऱ्या कॉलनीने जोडले हात

spot_img

अहमदनगर / नगर सह्याद्री
आरोग्य व पर्यावरण संवर्धनाची चळवळ चालविणाऱ्या हरदिन मॉर्निंग ग्रुपच्या सदस्यांनी व्यायमाला अनेक दिवसापासून दांडी मारणाऱ्या मित्राला चांगलीच अद्दल घडवली. त्यांनी त्याच्या घरावर पहाटेच मोर्चा वळविला. मित्राच्या घराबाहेर असलेले दार, भांडे-कुंडे वाजवून त्याला गाढ झोपेतून उठवून त्याला मैदानावर घेऊन जाण्यात आले. पहाटेच सुरु झालेल्या भांड्यांच्या आवाजाने संपूर्ण कॉलनीच जागी झाली होती.

मित्र आपली साथ देतात तसे वेळेला कानही पिळतात. असाच प्रकार भिंगारमध्ये घडला. अशोक लोंढे (वय-54) यांचे हृदयाची शस्त्रक्रिया झाल्याने डॉक्टरांनी त्यांना नियमीत व्यायाम करण्याचा सल्ला दिला. मात्र वाढत्या थंडीमुळे सकाळी उठणे होत नसल्याने त्यांनी व्यायामाला दांडी मारण्यास सुरुवात केली. आपला ग्रुपचा सदस्य अनेक दिवसापासून येत नसल्याने लक्षात आले. सर्व सदस्यांनी पहाटे त्यांच्या घरी जाऊन त्याला उठवण्यासाठी भन्नाट युक्ती वापरली. यावेळी ग्रुपचे संस्थापक अध्यक्ष संजय सपकाळ, अविनाश जाधव, विठ्ठलराव राहिंज, रमेश वराडे आदी मित्रांनी त्याच्या घराकडे धाव घेतली.

पहाटेच दहा ते वीस सदस्य मित्राला घरी उठविण्यासाठी आल्याने लोंढे कुटुंबीयांची चांगलीच बंभेरी उडाली. हात जोडून दाराबाहेर पडलेल्या मित्राला तसेच गाडीवर बसवून व्यायामासाठी मैदान गाठण्यात आले. कॉलनीतील नागरिकांना नेमकं काय प्रकार आहे? हा समजल्यानंतर प्रत्येकाला हसू आवरेना. दिवसभर परिसरात या विषयावर चर्चा रंगली होती. पण आता यानंतर तरी हा मित्र सकाळी व्यायामासाठी न चुकता जाणार हे मात्र नक्की.

संजय सपकाळ म्हणाले की, हरदिन मॉर्निंग ग्रुप हे एक कुटुंब बनले असून, सर्व सदस्य एकमेकांची काळजी घेऊन त्यांच्या सुख-दु:खात सहभागी होत असतात. मात्र काही सदस्य दांडी मारु लागल्यास त्यांना इतर सदस्य मैदानावर घेऊन येत आहे. अशोक लोंढे यांनी सर्व सदस्यांनी घरी पहाटेच एकत्र येऊन उठविल्याने एक वेगळा सुखद धक्क बसला. धावपळीच्या जीवनात व्यायाम आवश्‍यक असून, मित्रांनी घेतलेली काळजी नक्कीच प्रेरणा देणारी ठरणार आहे.

आणखी महत्वाच्या बातम्या

आणखी वाचा

Ahmednagar Crime: लघुशंकेसाठी थांबणे पडले महागात! पुण्याच्या कुटुंबाला केडगावात लुटले

अहमदनगर। नगर सहयाद्री कारमधून जाणारे कुटुंबीय लघुशंकेसाठी रस्त्याच्या कडेला थांबले असताना अज्ञात चोरट्यांनी धारदार शस्राच्या...

आनंदाची बातमी आली, महाराष्ट्रात कधी बरसणार मान्सून? हवामानशास्त्र विभागाने दिली नवी माहिती, वाचा सविस्तर..

मुंबई । नगर सहयाद्री- यंदा भारतात आणि दक्षिण आशियातील देशांमध्ये मॉन्सून जोरदार बरसणार असल्याचा अंदाज...

Ahmednagar Crime: धक्कादायक! मध्यरात्री मित्राच्या घरी गेला, धारदार शस्राने खून केला

अहमदनगर। नगर सहयाद्री- जिल्ह्यात पुन्हा एक धक्कादायक प्रकरण उघडकीस आले आहे. मित्राने धारदार शस्राने...

आजचे राशी भविष्य! लक्ष्मी मातेच्या कृपेने ‘या’ राशींना होणार मोठा लाभ

मुंबई । नगर सह्याद्री - मेष राशी भविष्य तुमच्या मनाला छळणा-या समस्यांची सोडवणूक करण्यासाठी तुमचे बुद्धिचातुर्य...