अहमदनगर। नगर सहयाद्री
वकिलाच्या मोबाईलचा वापर करून त्यांच्या मावस भावाने दोन लाख एक हजार रूपये फोन पे व्दारे काढून घेत फसवणूक केली. हा प्रकार २९ डिसेंबर २०२३ ते ३ जानेवारी २०२४ च्या दरम्यान मुकुंदनगर परिसरात व जिल्हा न्यायालयासमोर घडला आहे.
या प्रकरणी मुकुंदनगर परिसरातील वकिलाने दिलेल्या फिर्यादीवरून भिंगार कॅम्प पोलीस ठाण्यात फसवणूकीचा गुन्हा दाखल केला आला आहे. अमान सादिक शेख (रा. मुकुंदनगर) असे गुन्हा दाखल झालेल्या व्यक्तीचे नाव आहे. फिर्यादी व अमान हे दोघे मावस भाऊ आहेत.
अमान याने २९ डिसेंबर ते ३ जानेवारी दरम्यान फिर्यादीच्या मोबाईलचा वापर करून त्यांच्या फोन पे नंबर वरून स्वतःच्या फोन पे नंबरवर विश्वासघात करून दोन लाख एक हजार रूपयांची रक्कम पाठवली. हा प्रकार फिर्यादीच्या लक्षात आल्यानंतर त्यांनी भिंगार कॅम्प पोलीस ठाण्यात फिर्याद दिली आहे. पोलिसांनी अमान शेख विरोधात गुन्हा दाखल केला आहे.
