अहमदनगर | नगर सह्याद्री
नगर शहरात बुधवारी (२० मार्च) पाणी पुरवठा बंद असणार आहे. अहमदनगर महानगरपालिकेच्या शहर पाणीपुरवठा योजनेवरील पंपहाउस, सबस्टेशन व मुख्यजलवाहिनी इत्यादी ठिकाणची महत्वाची दुरुस्ती कामासाठी अहमदनगर महानगरपालिकेकडून बुधवारी सकाळी ११ ते सायं. ५ वाजेपर्यत शट डाउन घेण्यात येणार आहे. त्यामुळे पाणी एक दिवस विलंबाने मिळणार आहे.
बुधवारी विविध कामामुळे होणार्‍या शटडाऊन मुळे बोल्हेगाव, नागापूर, सावेडी उपनगरातील गुलमोहररोड, पाईपलाईन रोड, लक्ष्मीनगर, सुर्यनगर, निर्मलनगर, मुकुंदनगर तसेच बुरूडगाव रोड, सारस नगर, कोठी, केडगाव, नगर-कल्याण रोडवरील शिवाजीनगर परिसर आदी भागास पाणीपुरवठा होउ शकणार नाही. हा पाणीपुरवठा गुरूवार (दि.२१) रोजी करण्यात येणार असल्याची माहिती महापालिकेकडून देण्यात आली आहे.
तसेच गुरूवार (दि.२१) रोजी रोटेशननुसार पाणी वाटपाच्या शहराच्या मध्यवर्ती भागास म्हणजेच मंगलगेट, रामचंद्राखुंट, झेंडीगेट, जिल्हाधिकारी कार्यालय परिसर, दाळमंडई, काळु बागवान गल्ली, धरती चौक, बंगाल चौकी, माळीवाडा, कोठी या भागात व गुलमोहर रोड, प्रोफेसर कॉलनी परिसर, सिव्हील हडको, प्रेमदान हाडको, टि.व्ही सेंटर परिसर, म्युनिसीपल हाडको, विनायक नगर, आगरकर मळा, स्टेशन रोड, कायनेटीक चौक परिसर इ. भागात महानगरपालिके मार्फत पाणीपुरवठा करण्यात येणार नाही. या भागातील पाणीपुरवठा हा गुरूवार ऐवजी शुक्रवार (दि.२२) रोजी करण्यात येईल.
शुक्रवारी होणार्‍या सिध्दार्थनगर, लालटाकी, तोफखाना, दिल्लीगेट, नालेगाव, चितळेरोड, आनंदीबाजार, कापड बाजार, ख्रिस्त गल्ली, पंचपीर चावडी, जुने मनपा कार्यालय परिसर, माळीवाडा, बालिकाश्रम रोड परिसर, सारसनगर, बुरुडगांव रोड व सावेडी इत्यादी भागातील पाणीपुरवठा होणार नसून तो शनिवार दि.२३ रोजी करण्यात येईल अशी माहिती देण्यात आली आहे.
