spot_img
ब्रेकिंगमहापालिकेतून ‘ती’ फाईल गहाळ, नेमकं प्रकरण काय?

महापालिकेतून ‘ती’ फाईल गहाळ, नेमकं प्रकरण काय?

spot_img

अहमदनगर | नगर सह्याद्री
नगर शहरातील अनधिकृत नळ कनेशन शोधण्यासाठी खाजगी संस्थेची नियुक्ती करण्याबाबतची प्रक्रिया अंतिम टप्प्यात असताना या निविदा प्रक्रियेची फाईल महापालिकेतून गहाळ झाली आहे.

आचारसंहिता लागू होण्यापूर्वीच या संस्थेला कार्यारंभ आदेश देण्यासाठी प्रशासकांनी आदेश दिले होते. त्यानुसार प्रक्रिया पूर्ण होऊन प्रशासक डॉ. पंकज जावळे यांनी मंजुरीही दिली होती. मात्र, त्यानंतर ही फाईल पाणीपुरवठा विभागापर्यंत पोहोचलीच नाही. परिणामी, ही मोहीम राबवण्यासाठी आता जूनपर्यंत प्रतीक्षा करावी लागणार आहे.
अनधिकृत नळ कनेक्शन नियमीत करण्याबाबत पाणी पुरवठा विभागाने धोरण निश्चित करून अनधिकृत नळ कनेक्शन नियमित करण्यासाठी यापूर्वी प्रक्रिया झालेली आहे. मात्र, अद्यापही मोठ्या प्रमाणावर अनधिकृत नळ कनेक्शन असल्याने व कर्मचाऱ्यांचा अभाव असल्याने अनधिकृत नळ कनेक्शन शोध मोहीम राबवून खासगी संस्थेमार्फत राबवण्याचा निर्णय घेण्यात आला आहे. त्यासाठी निविदा प्रक्रिया होऊन दरही निश्चित झाले.
ठेकेदार संस्थेला कार्यारंभ आदेश देण्यासाठी प्रस्ताव होऊन त्याला प्रशासकीय मान्यताही देण्यात आली. शनिवारी आचारसंहिता लागू होणार असल्याने शुक्रवारीच कार्यारंभ आदेश देण्यासाठी प्रशासकांनी सूचना दिल्या होत्या. मात्र, ऐनवेळी ही फाईल महापालिकेतून गायब करण्यात आली. पाणीपुरवठा विभागाकडून फाईलचा शोध सुरू असल्याचे सांगण्यात आले. मात्र, आचारसंहिता लागू झाल्याने ही मोहीम आता जूनपर्यंत बारगळला आहे.

आणखी महत्वाच्या बातम्या

आणखी वाचा

जिल्ह्यात पाण्याचा ठणठणाट..! टँकरची संख्या १५० पार

अहमदनगर | नगर सह्याद्री उन्हाच्या चढत्या पार्‍याबरोबर जिल्ह्यातील तहानेचा ताण देखील वाढू लागला आहे. जिल्ह्यात...

पदाधिकारी नॉट रिचेबल? पारनेरची सेनापती बापट पतसंस्था व्हेंटीलेटरवर!

ठेवीदारांच्या रांगा | हवालदिल ठेवीदारांची केंद्रीय सहकार मंत्रालयाकडे तक्रार | पदाधिकारी नॉट रिचेबल पारनेर |...

अमेरिकेतही डॉ. दीपक यांच्या संशोधनाला सन्मानाचा ‘दीप’

अहमदनगर | नगर सह्याद्री अमेरिकेतील व इतर देशातील आंतरराष्ट्रीय उत्कृष्ट संशोधन संस्था यांच्यावतीने श्वसन प्रणालीमध्ये...

…म्हणून नगरमध्ये विजय महायुतीचाच होणार! खासदर विखे पाटलांचे कार्यकर्त्यांना मोठे आवाहन

श्रीगोंदा | नगर सह्याद्री अहिल्यानगर लोकसभेच्या निवडणुकीच्या प्रचाराला सुरुवात झाली असून, दक्षिण मतदार संघाचे उमेदवार...