अहमदनगर। नगर सहयाद्री-
हॉटेलचा दरवाजा लवकर उघडलानाही म्हणून मॅनेजर व आचारी यांना लोखंडी रॉड, बिअरच्या बाटल्या व लाकडी काठ्याने मारहाण करून जिवे ठार मारण्याचा प्रयत्न केल्याचा धक्कादायक प्रकार नगर तालुक्यातील अकोळनेर येथील हॉटेल निवांतवर घडला आहे. राहुल भिकाजी पाटील व आप्पा किसन पळसकर (रा. सोनेवाडी, अकोळनेर ता. नगर) अशी जखमींची नावे आहेत.
याप्रकरणी राजू मुक्ताजी सुंबे (रा. सोनेवाडी) यांनी दिलेल्या फिर्यादीवरून मंगळवारी (दि. २६) नगर तालुका पोलीसठाण्यात १४ जणांवर गुन्हा दाखल करण्यात आला आहे. गणेश तुकाराम कडुस, शरद रमेश भोसले, वैभव राजू धामणे, शुभम गुलाब धामणे, राहुल बापू कडूस, शुभम गोरख पुंड, सलिम राजू शेख, राहुल गोरख पुंड, शुभम बाळासाहेब कडुस, आकाश बापू कडुस, विशाल रावसाहेब धामणे, लखन तुकाराम काळे, वैभव दिलीप कडुस, शुभम दत्तात्रय कडुस (सर्व रा. सरोळा कासार ता. नगर) अशी गुन्हा दाखल झालेल्यांची नावे आहेत.
हॉटेलचा दरवाजा लवकर उघडला नाही या कारणावरून आचारी राहुल भिकाजी पाटील व मॅनेजर आप्पा किसन पळसकर यांना बरील संशयित आरोपींनी जबर मारहाण करून जिवे मारण्याचा प्रयत्न केला. तसेच हातात लाठ्या- काठ्या, लोखंडी रॉड घेऊन हॉटेलमधील टेबल, खुच्र्यांची व बसण्यासाठी केलेल्या झोपड्यांची तोडफोड करून नुकसान केले. राहुल भिकाजी पाटील यांना जिवे ठार मारण्याचा प्रयत्न करण्याच्या उद्देशाने डोक्यात पाठीमागील बाजुने बिअरची बाटली मारून गंभीर जखमी केले.
