अहमदनगर। नगर सहयाद्री
केडगाव येथून इयत्ता नववी मध्ये शिक्षण घेणार्‍या विद्यार्थ्यास पळवले. याबाबत मुलाच्या आईने कोतवाली पोलिसांत फिर्याद दिली आहे. उदयनराजे राजू क्षेत्रे (वय १५ वर्षे) असे त्या मुलाचे नाव असून प्रतिभा राजू क्षेत्रे (वय ३५ वर्षे, रा. एकनाथनगर, केडगाव) असे फिर्याद दाखल केलेल्या आईचे नाव आहे.
फिर्यादीत महिलेने म्हटले आहे की, माझा मुलगा केडगावमधील एका शाळेत शिक्षण घेत आहे. २१ मार्चला तो सकाळी शाळेत गेला. नंतर शाळासुटल्यावर मी माझा मुलगा उदयनराजे क्षेत्रे याला घेण्यासाठी गेले असता मी शाळेच्या गेटजवळ त्याची वाट पाहत होते.
पण तो शाळेतुन बाहेर न आल्यामुळे वर्गशिक्षकांकडे विचारपूस केली.त्यांनी सांगितले की उदयनराजे हा आज शाळेत आलाच नाही. त्यानंतर परिसरात शोध घेतला, मित्रांकडे विचारणा केली तरी तो मिळाला नाही असे फिर्यादीत म्हटले आहे. अधिक तपास कोतवाली पोलीस करत आहेत.
