spot_img
ब्रेकिंगPolitics News: शिंदे गटाचा 'मास्टर' प्लॅन! धनुष्यबाण ऐवजी 'या' चिन्हावर लोकसभा लढवणार

Politics News: शिंदे गटाचा ‘मास्टर’ प्लॅन! धनुष्यबाण ऐवजी ‘या’ चिन्हावर लोकसभा लढवणार

spot_img

लोकसभा निवडणुकीत शिंदे गटाच्या खासदारांची इच्छा

नागपूर | नगर सह्याद्री-
भाजपचा तिन्ही राज्यासह उत्तरेतील राज्यात उधळलेला विजयाचा वारू लक्षात घेता महाराष्ट्रात शिंदे गटाच्या खासदारांना लोकसभा निवडणुकीत भाजपचे कमळ हवे आहे. नागपूरमध्ये हिवाळी अधिवेशनासाठी जमा झालेल्या राजकीय नेत्यांमध्ये या चर्चेला मोठा जोर आहे.

राजस्थान, छत्तीसगढ आणि मध्य प्रदेशातील विधानसभा निवडणुकीत भाजपला मिळालेल्या यशामुळे महाराष्ट्रातील राजकीय समीकरणे बदलण्याची शयता आहे. उत्तरेतील तिन्ही राज्यात एकहाती सत्ता मिळवलेल्या भाजपचा आत्मविश्वास दुणावल्यामुळे आगामी लोकसभा निवडणुकीत पंतप्रधान नरेंद्र मोदी आणि भाजपचे नाणे खणखणीत वाजेल, असा जाणकारांचा अंदाज आहे. या पार्श्वभूमीवर शिंदे गटातील खासदारांना शिवसेनेच्या धनुष्यबाण चिन्हावर लढण्याऐवजी भाजपच्या कमळ या चिन्हावर लढण्याचे वेध लागल्याची चर्चा राजकीय वर्तुळात रंगली आहे. हिवाळी अधिवेशन सुरु असलेल्या नागपूरमध्ये या विषयाची जोरदार चर्चा सुरु आहे.

या विषयी काँग्रेसचे प्रदेशाध्यक्ष नाना पटोले यांना विचारले असता त्यांनी यावर फारसे बोलणे टाळले. शिंदे गटाच्या खासदारांना कमळाच्या चिन्हावर लढायचे असेल तर तो त्यांच्या पक्षाचा प्रश्न आहे. मला त्यावर चर्चा करायची नाही, असे ते म्हणाले. मात्र, यानिमित्ताने शिंदे गटात सुरु असलेल्या राजकीय खलबतांची उघडपणे चर्चा सुरु झाली आहे. तिन्ही राज्यात भाजपने मोदी यांच्या नावावर निवडणूक लढवली होती.

या राज्यांतील मतदारांनी भाजपच्या कमळ चिन्हाला भरभरुन मते दिल्यामुळे आगामी लोकसभा निवडणुकीतही ’कमळा’ची चलती राहण्याची शयता आहे. हीच गोष्ट हेरून शिंदे गटाच्या काही खासदारांनी शिवसेनेच्या धनुष्यबाण चिन्हापेक्षा भाजपचे कमळ चिन्हावर लोकसभा निवडणूक लढण्याची इच्छा व्यक्त केल्याचे सांगितले जाते. सूत्रांच्या माहितीनुसार, भाजपने अद्याप हा प्रस्ताव मान्य केलेला नाही.

निवडणूक आयोगातील कायदेशीर लढाई आणि बर्‍याच संघर्षानंतर शिंदे गटाला शिवसेना हे नाव आणि धनुष्यबाण चिन्ह मिळाले आहे. अशात आता धनुष्यबाण चिन्ह सोडून कमळावर लोकसभा निवडणूक लढवली तर ते टीकेचे धनी होतील. यामुळे निर्माण होणार्‍या सहानुभूतीचा फायदा ठाकरे गटाला मिळू शकतो. तसेच उद्धव ठाकरे यांच्याकडून पक्ष आणि धनुष्यबाण हे चिन्ह काढून घेण्यासाठी शिंदे गट व भाजपने निवडणूक आयोगात कायदेशीर लढाईचा घाट घातला, असा संदेश मतदारांमध्ये जाऊ शकतो, अशी चर्चा आहे.

त्यामुळे शिंदे गटाच्या खासदारांना कमळ चिन्हावर लढू देण्यास, भाजप मान्यता देईल का, हे पाहावे लागेल. शिवसेनेच्या एकूण १८ खासदारांपैकी १३ खासदार शिंदे गटात आहेत. या १३ जागांवर भाजपच्या पाठिंब्याने निवडणूक लढवण्याची शिंदे गटाची रणनीती आहे. मात्र, भाजप शिंदे गटासाठी १३ पैकी १३ जागा सोडण्यास सहजासहजी तयार होणार नाही. त्यामुळे शिंदे गटाच्या खासदारांचा कमळाच्या चिन्हावर लढण्याच्या प्रस्ताव भाजप मान्य करेल का, हे पाहणे महत्त्वाचे ठरेल.

 

आणखी महत्वाच्या बातम्या

आणखी वाचा

‘महाराष्ट्राच्या राजकारणात पुढच्या आठ दिवसात राजकीय स्फोट होणार’, चर्चांना उधाण

यवतमाळ / नगर सह्याद्री : महाराष्ट्राच्या राजकारणात मागील काही दिवसांपासून विविध घडामोडी घडतायेत. नुकतेच...

Politics News : अशोक चव्हाणांनी केला आणखी एक भूकंप ! ‘त्या’ ५५ बड्या नेत्यांनी काँग्रेसला ठोकला रामराम

नांदेड / नगर सह्याद्री : माजी मुख्यमंत्री अशोक चव्हाण यांनी भाजपमध्ये येत काँग्रेसला...

‘मंत्री विखे पाटील यांच्या माध्यमांतून सव्वा दोन कोटींची विकासकामे’

सचिन वराळ पाटील यांची माहिती निघोज। नगर सहयाद्री- निघोज - अळकुटी जिल्हा परिषद गटातील २२ गावांमध्ये...

मराठा आंदोलनाचा थरार ! समृद्धी महामार्ग अडवण्याचा प्रयत्न, तरुणाने भररस्त्यात जाळली नवीकोरी बाईक

जालना / नगर सह्याद्री : राज्य सरकारने मराठा समाजाला १० टक्के स्वतंत्र आरक्षण...