spot_img
ब्रेकिंगपवार इज पॉवर! अजित पवार आज, काल..;आमदार लंके यांची 'त्या' भाष्यावर प्रतिक्रिया

पवार इज पॉवर! अजित पवार आज, काल..;आमदार लंके यांची ‘त्या’ भाष्यावर प्रतिक्रिया

spot_img

पारनेर। नगर सहयाद्री 
राज्याचे उपमुख्यमंत्री अजित पवार हे आमचे कालही नेते होते, आजही आहे आणि उद्या राहतील. आपल्या नेत्याच्या मुखातून जर एखादा शब्द गेला तर त्यावर कार्यकर्त्यांनी भाष्य करायचे नसते किंवा नाराज पण व्हायचे नसते. माझ्या भूमिकेवर दादा नाराज झाले किंवा खुश झाले हा आमच्या दोघांमधील प्रश्न आहे. इतरांनी त्यामध्ये वितुष्ट आणायचे नाही, अशी प्रतिक्रिया आमदार नीलेश लंके यांनी तुळजापूर येथे दिली. डॉ. आमदार नीलेश लंके यांनी कार्यकर्त्यांसह शनिवारी दि. १६ रोजी तुळजापूर येथे तुळजाभवानी मातेचे दर्शन घेतले. यावेळी त्यांनी माध्यमांशी संवाद साधत लोकसभा निवडणुकीच्या पार्श्वभूमीवर झालेल्या राजकीय घडामोडीवर भाष्य केले.

आमदार लंके म्हणाले की, विकास कामे करणे हाच माझा राजमार्ग आहे. कोण काय बोलते व कोण टीका टिप्पणी करते याकडे मी लक्ष देत नाही. या राजमार्गामुळे मला कोणत्याही प्रकारची राजकीय वारसा अथवा पार्श्वभूमी नसतानाही मी आमदार झालो. मी एक खेळाडू असून हार मानणारा खेळाडू नाही. खेळाडू हा खेळ खेळत असतो. राजकारणात मी आव्हान समजत नाही. आनंदाने ती संकट परतवण्याची ताकद आपल्यामध्ये असली पाहिजे.

सरकारच्या माध्यमातून अहमदनगरचे अहिल्यानगर असे नामकरण झाले. वीरमाता अहिल्यादेवी यांचे समाज घडवण्यामध्ये मोठे योगदान आहे. त्यांच्या नावाने जर जिल्ह्याची ओळख होत असेल तर निश्चित अभिमानासद बाब असून शासनाच्या निर्णयाचे मी स्वागत करतो. तुळजा भवानी मातेला प्रार्थना केली की माझ्या गोरगरीब जनतेला व शेतकर्‍यांना सुखी ठेव. तुळजाभवानी माता हे माझे श्रद्धास्थान असून गेले अनेक वर्षापासून दर्शनसाठी येत असतो. मी देवी भक्त असून मी देवदर्शनासाठी कायमच जात असतो. परंतु जो देवी भक्त आहे त्याला स्वतःसाठी मागण्याची काही गरज नाही असेही आमदार लंके म्हणाले.

पवार इज पॉवर! सर्व पवार कुटुंबीयांवर प्रेम: आमदार लंके
महाराष्ट्राच्या राजकारणात मी कार्यकर्ता म्हणून काम करत असून सर्वसामान्य कार्यकर्त्याला कोणत्याही प्रकारचे गट तट नसतात. पवार इज पॉवर व सर्व पवार कुटुंबियांवर माझे प्रेम असून निवडणूक लढवताना कार्यकर्त्यांबरोबर चर्चा सल्लामसलत केली पाहिजे. त्याचबरोबर जनभावना काय आहे याकडेही लक्ष दिले पाहिजे. तुळजाभवानी मातेच्या दर्शनासाठी जात असताना पारनेर ते खर्डा जामखेड प्रत्येक गावागावांमध्ये वाजत गाजत उत्स्फूर्त स्वागत झाले. त्यामुळे राजकारण करत असताना कोणाच्या बोलण्याकडे लक्ष न देता मी कामाला महत्त्व देणारा माणूस असल्याचे आमदार लंके यांनी सांगितले.

आणखी महत्वाच्या बातम्या

आणखी वाचा

जिल्ह्यात पाण्याचा ठणठणाट..! टँकरची संख्या १५० पार

अहमदनगर | नगर सह्याद्री उन्हाच्या चढत्या पार्‍याबरोबर जिल्ह्यातील तहानेचा ताण देखील वाढू लागला आहे. जिल्ह्यात...

पदाधिकारी नॉट रिचेबल? पारनेरची सेनापती बापट पतसंस्था व्हेंटीलेटरवर!

ठेवीदारांच्या रांगा | हवालदिल ठेवीदारांची केंद्रीय सहकार मंत्रालयाकडे तक्रार | पदाधिकारी नॉट रिचेबल पारनेर |...

अमेरिकेतही डॉ. दीपक यांच्या संशोधनाला सन्मानाचा ‘दीप’

अहमदनगर | नगर सह्याद्री अमेरिकेतील व इतर देशातील आंतरराष्ट्रीय उत्कृष्ट संशोधन संस्था यांच्यावतीने श्वसन प्रणालीमध्ये...

…म्हणून नगरमध्ये विजय महायुतीचाच होणार! खासदर विखे पाटलांचे कार्यकर्त्यांना मोठे आवाहन

श्रीगोंदा | नगर सह्याद्री अहिल्यानगर लोकसभेच्या निवडणुकीच्या प्रचाराला सुरुवात झाली असून, दक्षिण मतदार संघाचे उमेदवार...