spot_img
महाराष्ट्रतुमचा एकही खासदार निवडून येऊ देणार नाही ! मनोज जरांगे यांनी देवेंद्र...

तुमचा एकही खासदार निवडून येऊ देणार नाही ! मनोज जरांगे यांनी देवेंद्र फडणवीस यांना दिला ‘हा’ इशारा

spot_img

बीड / नगर सह्याद्री : मराठा समाजासाठी आंदोलन करतोय म्हणून मला बदनाम केलं जातंय. माझे बनावट व्हिडीओ व्हायरल केले जात आहेत. पण मी देवेंद्र फडणवीसांना इतकंच सांगतो. भलेही तुम्ही मला बदनाम करा, पण कट रचून मराठा समाजापासून मला तोडण्याचा प्रयत्न केलात, तर तुमचा ४८ पैकी एकही खासदार लोकसभेत निवडून येऊ देणार नाही, असा इशारा मराठा आंदोलक मनोज जरांगे पाटील यांनी दिला आहे.

मनोज जरांगे पाटील यांनी बीड जिल्ह्यातील वडवणी येथे गुरुवारी (ता. १४) मराठा समाजाची संवाद बैठक घेतली. या बैठकीला हजारो मराठा बांधव उपस्थित होते. बैठकीत बोलताना मनोज जरांगे यांनी आरक्षणावरून गृहमंत्री देवेंद्र फडणवीसांसह राज्य सरकारवर टीकेचा भडीमार केला. भाजपचे लोक माझ्याविषयी बनावट व्हिडीओ तयार करत असून ते सोशल मीडियावर व्हायरल करीत आहेत. मी मराठा समाजापासून लांब गेलो पाहिजे असा कट रचण्यात आला आहे. पण, प्रकाश आंबेडकर यांनी सांगितलं आहे की मनोज जरांगे पाटलांनी घाबरु नये.

मी गृहमंत्री देवेंद्र फडणवीसांना जाहीर सांगतो, की तुम्हाला जे करायचं आहे ते तुम्ही कार्यकर्त्यांच्या माध्यमांतून करणार आहात. पण मला जे करायचं ते मी करणारच आहे. तुम्ही कुठलेही व्हिडीओ आणा, कसलेही रेकॉर्डिंग आणा मी आरक्षण घेणार म्हणजे घेणारच. वेळ पडली तर समाजासाठी वेगळं आंदोलन करेन, असा इशारा मनोज जरांगेंनी दिला आहे. आपल्या विरोधात मराठा समाजाचा इमानदार पोरगा लढतोय, याचं तुम्ही कौतुक करायला पाहिजे होतं. तर तुम्हाला खरे राजकारणी म्हटलं गेलं असतं.

पण देवेंद्र फडणवीसांची वृत्ती नीच आहे. मी तुम्हाला वडवणीतून आव्हान देतो आहे. तुम्ही मला भलेही बदनाम करा. पण समाजापासून तोडण्याचा प्रयत्न केलात, तर तुमचा ४८ पैकी एकही खासदार निवडून येऊ देणार नाही, असा इशाराच जरांगेंनी फडणवीसांना दिलाय.

आणखी महत्वाच्या बातम्या

आणखी वाचा

पारनेर तालुका जैन महासंघाच्या तालुकाध्यक्षपदी राजेश भंडारी, उपाध्यक्ष पदी प्रसाद कर्नावट

जैन महासंघाची तालुका कार्यकारणी घोषित पारनेर / नगर सह्याद्री - तालुक्यातील टाकळी ढोकेश्वर येथील...

भगवान महावीर जयंतीनिमित्त नगरमध्ये भव्य शोभायात्रा

त्रिशला नंदन वीर की, जय बोलो महावीर की असा जयघोष / आनंदधामच्या प्रांगणात साधूसाध्वीजींच्या...

Sharad Pawar : शिंदे गटाच्या आमदाराचा शरद पवारांवर गंभीर आरोप, लायकीच काढली…

सातारा / नगर सह्याद्री - Sharad Pawar : लोकसभा निवडणुकीसाठी राजकारण चांगलेच तापले आहे. टोकाचे...

Mp sujay vikhe patil : पंतप्रधानांनी अहमदनगरांसाठी काय केलं? खासदार विखे पाटलांनी सांगितला इतिहास…

अहमदनगर / नगर सह्याद्री Mp sujay vikhe patil : अहमदनगर लोकसभा मतदारसंघातील वातावरण चांगलेच...