पारनेर | नगर सहयाद्री
गेल्या अनेक वर्षापासून वाडेगव्हाण ते मावळेवाडी या रस्त्याची दुर्दशा झाल्याने ग्रामपंचायत मध्ये सत्ता परिवर्तन होताच आमदार नीलेश लंके यांनी या रस्त्यासाठी ७५ लाख रुपयांचा निधी मंजूर करून मावळेवाडी ग्रामस्थांना दिवाळीनिमित्त गिफ्ट दिली असल्याची माहिती युवा नेते कांतीलाल भोसले यांनी दिली आहे.
मावळेवाडीची सत्ता माझ्या ताब्यात द्या मी तुम्हाला कोणत्याही निधीची कमतरता पडून देणार नाही असे आश्वासन आमदार लंके यांनी मावळेवाडी ग्रामस्थांना केले होते. त्यानुसार मावळेवाडी येथील युवा नेते कांतीलाल भोसले यांनी ३५ वर्षाची सत्ता उलथून टाकत मावळेवाडी ग्रामपंचायतीवर आमदार निलेश लंके यांच्या राष्ट्रवादी काँग्रेसचा झेंडा फडकवला आहे.
मावळेवाडी गावात प्रथमच ३५ वर्षाच्या प्रस्थापित्यांच्या विरोधात सत्ता परिवर्तन झाले असून लोकनियुक्त सरपंच म्हणून कल्याणी कांतीलाल भोसले यांना मावळेवाडी ग्रामस्थानी कौल दिला आहे. त्यामुळे राष्ट्रवादी काँग्रेसचे आमदार निलेश लंके यांनी कांतीलाल भोसले व नवनिर्वाचित लोकनियुक्त सरपंच सदस्यांचा सत्कार करत पहिल्या दिवशी ७५ लाख रुपयांचा मावळेवाडी-वाडेगव्हाण रस्तास प्राथमिक मंजुरी दिली. यापुढे मावळेवाडी मावळेवाडी गावचा विकास माझ्यावर सोडा असा असे आश्वासन आमदार लंके यांनी दिले आहे.
गावचा विकास हेच आमचे लक्ष कल्याणी भोसले
मावळेवाडी गावच्या ग्रामस्थांनी ३५ वर्ष ज्यांनी सत्ता भोगली त्यांनी हे गाव विकासापासून वंचित ठेवले त्यामुळे मोठ्या आशेने व अपेक्षांनी मला लोकनियुक्त सरपंच म्हणून गावाने संधी दिली असून आमदार निलेश लंके यांच्या माध्यमातून गावचा विकास हेच आमचे लक्ष असून गावचा कायापालट करण्याचे स्वप्न आहे.
-कल्याणी कांतीलाल भोसले ( लोकनियुक्त सरपंच, मावळेवाडी)
