spot_img
ब्रेकिंगNagar Urban Bank Case: व्यवसायाकरिता कर्जे, भलतीकडेच खर्च! २९१ कोटींचा अपहार? 'यांना'...

Nagar Urban Bank Case: व्यवसायाकरिता कर्जे, भलतीकडेच खर्च! २९१ कोटींचा अपहार? ‘यांना’ वाढली पोलीस कोठडी

spot_img

Nagar Urban Bank Case:नगर अर्बन बँकेच्या कर्ज घोटाळा प्रकरणी आर्थिक गुन्हे शाखेने अटक केलेल्या तत्कालीन सहाय्यक मुख्य व्यवस्थापक मनोज वसंतलाल फिरोदिया व प्रविण सुरेश लहारे या दोघांना न्यायालयाने १ मार्चपर्यंत पोलिस कोठडी सुनावली आहे. फिरोदिया, लहारे यांच्यावर गंभीर आरोप

फिरोदिया याने कुवत नसतानाही तारण मालमत्तांचे वाढीव मूल्यांकन अहवाल घेऊन त्यांना कमाल मर्यादेचे कर्ज मंजूर करण्याची शिफारस केली. तसेच, लहारे याने तीन कोटींचे कर्ज घेऊन ती रक्कम आरोपी मनोज वसुलाल मोतियानी याच्या खात्यात वर्ग केल्याचे व त्यातून जागा खरेदी झाल्याचा दावा आर्थिक गुन्हे शाखेने केला आहे. कर्ज घोटाळा प्रकरणी आर्थिक गुन्हे शाखेने मंगळवारी फिरोदिया व लहारे यांना अटक करून बुधवारी न्यायालयात हजर केले.

यावेळी सरकारी वकील मंगेश दिवाणे यांनी सरकार पक्षातर्फे बाजू मांडली. आरोपी फिरोदिया याने संचालक मंडळ, अधिकारी, कर्जदार व इतर आरोपीशी संगनमत करून गुन्हा केला आहे. यात २९१ कोटींचा अपहार झाला आहे. फिरोदिया कर्ज अर्ज छाननी विभागात सहायक प्रमुख व्यवस्थापक पदावर काम करत असताना त्याने कर्जदारांची कुवत नसताना, कर्जाकरीता तारण मालमत्तांचे वाढीव दराचे मूल्यांकन अहवाल घेऊन त्यांना कर्ज मंजूर करण्याची शिफारस केली आहे. अपहार कालावधीत फिरोदिया याच्या बँक खात्यात मोठ्या प्रमाणात रोख रकमा जमा करण्यात आल्या आहेत. याबाबत त्याच्याकडे तपास करायचा आहे.

आरोपी लहारे याने त्याच्या नावे बँकेत व्यवसायाकरीता ३ कोटी रुपये कर्ज घेतले. ही पूर्ण कर्ज रक्कम गुन्ह्यातील निष्पन्न आरोपी मनोज वासुमल मोतीयानी याच्या बँक खात्यात वर्ग केली. या कर्ज रकमेतून मोतीयानी याने खरेदी केलेली मालमत्ता या कर्जास तारण ठेवल्याचे समोर आले आहे. तसेच कोणतीही मालमत्ता तारण न घेता कर्ज मंजूर केले व आरोपी मोतीयानी याने खरेदी केलेली मालमत्ता ही नंतर तारण ठेवण्यात आली. याच्या तपासासाठी दहा दिवस पोलिस कोठडी मिळावी, असा युक्तिवाद अ‍ॅड. दिवाणे व तपासी अधिकार्‍यांनी केला. तो ग्राह्य धरून न्यायालयाने दहा दिवसांची पोलिस कोठडी सुनावली आहे.

आणखी महत्वाच्या बातम्या

आणखी वाचा

पारनेर तालुका जैन महासंघाच्या तालुकाध्यक्षपदी राजेश भंडारी, उपाध्यक्ष पदी प्रसाद कर्नावट

जैन महासंघाची तालुका कार्यकारणी घोषित पारनेर / नगर सह्याद्री - तालुक्यातील टाकळी ढोकेश्वर येथील...

भगवान महावीर जयंतीनिमित्त नगरमध्ये भव्य शोभायात्रा

त्रिशला नंदन वीर की, जय बोलो महावीर की असा जयघोष / आनंदधामच्या प्रांगणात साधूसाध्वीजींच्या...

Sharad Pawar : शिंदे गटाच्या आमदाराचा शरद पवारांवर गंभीर आरोप, लायकीच काढली…

सातारा / नगर सह्याद्री - Sharad Pawar : लोकसभा निवडणुकीसाठी राजकारण चांगलेच तापले आहे. टोकाचे...

Mp sujay vikhe patil : पंतप्रधानांनी अहमदनगरांसाठी काय केलं? खासदार विखे पाटलांनी सांगितला इतिहास…

अहमदनगर / नगर सह्याद्री Mp sujay vikhe patil : अहमदनगर लोकसभा मतदारसंघातील वातावरण चांगलेच...