spot_img
महाराष्ट्रभारतातील पॉवरफुल व्यक्तींची यादी जाहीर ! टॉप-10 मध्ये या लोकांचा समावेश

भारतातील पॉवरफुल व्यक्तींची यादी जाहीर ! टॉप-10 मध्ये या लोकांचा समावेश

spot_img

मुंबई / नगर सह्याद्री : देशातील 100 पॉवरफुल व्यक्तींची यादी नुकतीच जाहीर झाली. यामध्ये पंतप्रधान नरेंद्र मोदींपासून ते उद्योगपती गौतम अदानीपर्यंत अनेकांचाच समावेश आहे. यात मोदी नंबर वन ला आहेत. एक नजर या यादीवर टाकुयात –

1) पंतप्रधान नरेंद्र मोदी
पंतप्रधान नरेंद्र मोदी (वय, 73 वर्षे) हे या यादीमध्ये पहिल्या क्रमांकावर आहेत. त्यांचे सोशल मीडिया प्लॅटफॉर्म ट्वीटरवर 9 कोटींहून अधिक फॉलोअर्स आहेत. तिसऱ्यांदा सार्वत्रिक निवडणुकीत भाजपचे नेतृत्व करणाऱ्या पंतप्रधान मोदींचा कौल काळानुसार अधिक मजबूत झाला आहे. सरकारने जम्मू-काश्मीरमधून कलम 370 रद्द केले आहे. कल्याणकारी योजनांसह अर्थव्यवस्थेची भक्कम स्थिती झाल्यानंतर राम मंदिराच्या उद्घाटनानंतर मोदी ब्रँड अधिक मजबूत झाला आहे.

2) अमित शाह
या यादीत दुसऱ्या क्रमांकावर अमित शाह यांचा नंबर लागलो. भाजपच्या यशात अमित शाह ( 59 वर्षे) यांचे मोठे योगदान असल्याचे मानले जाते. शाह हे पक्षाचे प्रमुख रणनीतीकार असून नुकत्याच झालेल्या राजस्थान, मध्य प्रदेश आणि छत्तीसगड या हिंदी पट्ट्यातील राज्यांमध्ये भाजपने जो विजय मिळवला आहे यातूनच त्यांची या रणनीतीवर असणारी पकड लक्षात येते. शाह यांनी आता आगामी लोकसभा निवडणुकीत 370 हून अधिक जागा जिंकण्याचे लक्ष्य ठेवले आहे. आता अमित शाहा यांचे पुढचे पाऊल आहे ते नागरिकत्व दुरुस्ती कायदा लागू करणे. सोशल मीडिया प्लॅटफॉर्म ट्वीटरवर शाह यांचे 3.5 कोटींहून अधिक फॉलोअर्स आहेत.

3) मोहन भागवत
मोहन भागवत (73 वर्षे) हे आरएसएसचे सरसंघचालक आहेत. राम मंदिर प्राणप्रतिष्ठा सोहळ्यात मोहन भागवत हे पंतप्रधान मोदींसोबत उपस्थित होते. संघ आता भाजपच्या तिसऱ्या टर्मकडे पाहत आहे. मोहन भागवत सोशल मीडियावर सक्रिय नाहीत.

4) CJI DY चंद्रचूड
न्यायाधीश DY चंद्रचूड (64 वर्षे) यांनी त्यांच्या खास पद्धतीने सर्वोच्च न्यायालयाचे नेतृत्व केले. निवडणुकीच्या वर्षात त्यांच्या प्रत्येक निर्णयावर आणि प्रत्येक पावलावर संपूर्ण देशाची नजर असते. त्यांचा कार्यकाळ या वर्षी नोव्हेंबरमध्ये संपत आहे. चंद्रचूड सोशल मीडियावर सक्रिय नाही.

5) एस जयशंकर
एस जयशंकर (69) यांनी परराष्ट्र मंत्री म्हणून स्वतःची वेगळी ओळख निर्माण केली आहे. परराष्ट्रमंत्री मोदींचा चाणक्य म्हणून ओळखला जातो. आपल्या पाच वर्षांच्या कार्यकाळात युरोपीय देशांपासून रशियापर्यंत त्यांनी भारताची बाजू उत्कृष्ट पद्धतीने मांडली आहे.

6) योगी आदित्यनाथ
देशातील सर्वाधिक लोकसभेच्या जागा असलेल्या राज्याचे प्रतिनिधित्व योगी आदित्यनाथ (51 वर्षे) करतात. 2024 मध्ये भाजप या राज्यात कशी कामगिरी करेल याकडे सर्वांचे लक्ष लागले आहे. गोरखनाथ मठाच्या महंताने आपल्या अध्यात्मिक अधिकारासोबतच सत्तेत असलेल्यांना कडक कारभाराचा संदेश दिला आहे, याची जोरदार चर्चा सुरू आहे.

7) राजनाथ सिंह
राजनाथ सिंह ( 72 वर्षे) हे पंतप्रधान मोदींच्या मंत्रिमंडळातील सर्वात ज्येष्ठ सहाय्यकांपैकी एक आहेत. राजकीय अनुभवासोबतच त्यांनी संरक्षण मंत्रालयाची जबाबदारीही उत्कृष्ट पद्धतीने पार पाडली आहे. त्यांची पडद्यामागची भूमिका राजस्थानमध्ये खूप सक्रिय होती. ट्रबलशूटर म्हणूनही राजनाथ यांची ओळख आहे.

8) निर्मला सीतारामन
अर्थमंत्री निर्मला सीतारामन ( 64 वर्षे) यांचा समावेश पंतप्रधान मोदी यांच्यावर सर्वाधिक विश्वास असलेल्या मंत्र्यांमध्ये होतो. त्या देशाच्या पहिल्या पूर्णवेळ आणि सर्वाधिक काळ अर्थमंत्री पदावर राहणाऱ्या महिला अर्थमंत्री आहेत. महागाई आणि विकासाचा समतोल साधणे हे त्यांचे प्राधान्य आहे.

9) जेपी नड्डा
जेपी नड्डा (63 वर्ष) हे भाजपचे राष्ट्रीय अध्यक्ष आहेत. लोकसभा निवडणुकीत संघटनेचे नेते म्हणून नड्डा यांची भूमिका अत्यंत महत्त्वाची आहे. नड्डा यांच्या नेतृत्वाखाली भाजपने पाच राज्यांच्या विधानसभा निवडणुकीत चांगले यश मिळवले आहे. पक्षाने त्यांची पुन्हा राज्यसभेवर निवड केली आहे. नड्डा यांचे सोशल मीडियावर 36 लाख फॉलोअर्स आहेत.

10) गौतम अदानी
गौतम अदानी ( 61 वर्षे) हे एकमेव उद्योगपती आहेत ज्यांचा टॉप-10 यादीत समावेश आहे. अदानी हे देशातील दुसऱ्या क्रमांकाचे श्रीमंत भारतीय आहेत. गेल्या वर्षी हिंडेनबर्गच्या अहवालानंतर अदानीने जोरदार पुनरागमन केले आहे. अदानी समूह बंदरे, ऊर्जा, हरित ऊर्जा आणि विमानतळांमध्ये 7 लाख कोटी रुपयांची गुंतवणूक करण्याचा विचार करत आहे. अदानींचे सोशल मीडियावर 10 लाख फॉलोअर्स आहेत.

आणखी महत्वाच्या बातम्या

आणखी वाचा

पारनेर तालुका जैन महासंघाच्या तालुकाध्यक्षपदी राजेश भंडारी, उपाध्यक्ष पदी प्रसाद कर्नावट

जैन महासंघाची तालुका कार्यकारणी घोषित पारनेर / नगर सह्याद्री - तालुक्यातील टाकळी ढोकेश्वर येथील...

भगवान महावीर जयंतीनिमित्त नगरमध्ये भव्य शोभायात्रा

त्रिशला नंदन वीर की, जय बोलो महावीर की असा जयघोष / आनंदधामच्या प्रांगणात साधूसाध्वीजींच्या...

Sharad Pawar : शिंदे गटाच्या आमदाराचा शरद पवारांवर गंभीर आरोप, लायकीच काढली…

सातारा / नगर सह्याद्री - Sharad Pawar : लोकसभा निवडणुकीसाठी राजकारण चांगलेच तापले आहे. टोकाचे...

Mp sujay vikhe patil : पंतप्रधानांनी अहमदनगरांसाठी काय केलं? खासदार विखे पाटलांनी सांगितला इतिहास…

अहमदनगर / नगर सह्याद्री Mp sujay vikhe patil : अहमदनगर लोकसभा मतदारसंघातील वातावरण चांगलेच...