spot_img
ब्रेकिंगIPL 2024: कोलकाता नाईट रायडर्स तिसर्‍यांदा चॅम्पियन..!

IPL 2024: कोलकाता नाईट रायडर्स तिसर्‍यांदा चॅम्पियन..!

spot_img

हैदराबादचा पराभव करत पटकावले आयपीएल २०२४चे विजेतेपद
नवी दिल्ली | वृत्तसंस्था
आयपीएल २०२४ च्या अंतिम सामन्यात कोलकाता नाईट रायडर्सने सनरायझर्स हैदराबादचा ८ गडी राखून पराभव केला आहे. यासह केकेआरने तिसर्‍यांदा आयपीएलचे विजेतेपद पटकावले. यापूर्वी, गौतम गंभीरच्या नेतृत्वाखाली कोलकाता नाईट रायडर्सने दोनदा (२०१२ आणि २०१४) आयपीएलचे विजेतेपद पटकावले आहे.

या सामन्यात हैदराबादने प्रथम फलंदाजी करत ११४ धावांचे लक्ष्य ठेवले होते. प्रत्युत्तरात कोलकाताने १०.३ षटकांत दोन गडी गमावून लक्ष्य गाठले आणि हैदराबादचा आठ गडी राखून पराभव केला. लक्ष्याचा पाठलाग करताना कोलकाताने व्यंकटेश अय्यर आणि गुरबाज अहमद यांच्या अर्धशतकी भागीदारीच्या जोरावर सामना जिंकला. केकेआरसाठी व्यंकटेश अय्यरने अवघ्या २६ चेंडूत ५२ धावांची नाबाद सामना जिंकणारी खेळी खेळली.

कर्णधार श्रेयस अय्यर ३ चेंडूत ६ धावा काढून नाबाद राहिला.कोलकाताला पहिला धक्का सुनील नरेनच्या रूपाने बसला. त्याला पॅट कमिन्सने शाहबाज अहमदच्या हाती झेलबाद केले. त्याला दोन चेंडूत केवळ सहा धावा करता आल्या. त्यानंतर कोलकाताला दुसरा धक्का रहमानउल्ला गुरबाजच्या रूपाने बसला. त्याला शाहबाज अहमदने एलबीडब्ल्यू आऊट केले. तो ३२ चेंडूत ३९ धावा करून माघारी परतला.

त्यानं आपल्या खेळीत ५ चौकार आणि २ षटकार मारले.तत्पूर्वी, आयपीएल २०२४ च्या फायनलमध्ये प्रथम फलंदाजी करताना सनरायझर्स हैदराबादचा संघ कोलकाता नाईट रायडर्ससमोर केवळ ११३ धावांवर आटोपला. कोलकाताच्या गोलंदाजांच्या चमकदार कामगिरीसमोर हैदराबादचे फलंदाज सपशेल अपयशी ठरले. आयपीएलच्या इतिहासातील अंतिम फेरीतील ही सर्वात कमी धावसंख्या आहे. यापूर्वी २०१३ मध्ये मुंबईने चेन्नईला १४९ धावांचे लक्ष्य दिले होते, प्रत्युत्तरात चेन्नईला केवळ १२५ धावा करता आल्या होत्या. कोलकाताकडून आंद्रे रसेलने सर्वाधिक ३ बळी घेतले. हैदराबादचा संघ १८.३ षटकात ११३ धावांवर ऑलआऊट झाला.

दहा वर्षांनी केकेआरने पटकावले विजेतेपद
कोलकाता नाईट रायडर्स याआधी २०१२ आणि २०१४ मध्ये आयपीएल चॅम्पियन बनले होते. केकेआरने २०१२ मध्ये चेन्नई सुपर किंग्जचा ५ गडी राखून आणि २०१४ मध्ये पंजाब किंग्जचा ३ गडी राखून पराभव करून आयपीएलचे विजेतेपद पटकावले होते. २०१४ नंतर, कोलकाता २०२१ मध्ये अंतिम फेरीत पोहोचला, परंतु विजेतेपदाच्या लढतीत सीएसके कडून २७ धावांनी पराभूत झाला. आता अखेर २०१४ च्या म्हणजेच १० वर्षांनंतर तिसर्‍यांदा इंडियन प्रीमियर लीग ट्रॉफी जिंकण्यात यश आले आहे. यासह कोलकाताने आयपीएलच्या इतिहासात तिसर्‍यांदा चॅम्पियन होण्याचा मान मिळवला.
लवकरच मान्सून केरळमध्ये धडकणार

आणखी महत्वाच्या बातम्या

आणखी वाचा

राष्ट्रवादी विधानसभेला एकत्र लढणार की स्वबळावर? मोठी माहिती आली समोर..

मुंबई। नगर सहयाद्री विधानसभेच्या पाश्वभूमीवर सर्वच राजकीय पक्षांकडून रणनीती आखण्यास सुरवात झाली आहे. शिवसेना पक्षाचे...

का झाला शिर्डीत पराभव? माजी खा. लोखंडे यांनी स्पष्टच सांगितले ‘कारण’

अहमदनगर | नगर सह्याद्री अयोध्येत बांधण्यात आलेल्या श्रीराम मंदिरांचा भाजपला राजकीय फायदा होणार असे गणित...

शिक्षक विधानपरिषद निवडणुकीत ‘हे’ तालुके ठरणार ‘निर्णायक’, कुणाला मिळणार आघाडी? वाचा सविस्तर..

अहमदनगर । नगर सहयाद्री- विधान परिषदेच्या नाशिक विभाग शिक्षक मतदारसंघाच्या निवडणुकीसाठी येत्या २६ तारखेला मतदान...

महायुतीला वेध लागले मंत्रिमंडळ विस्ताराचे? नगरमधून ‘यांच्या’ नावांची जोरदार चर्चा

मुंबई । नगर सहयाद्री- लोकसभा निवडणुकीतील निराशाजनक कामगिरीनंतर विधानसभेला सामोरे जाण्यापूर्वी राज्यात महायुतीला मंत्रिमंडळ विस्ताराचे...