मुंबई / नगर सह्याद्री : मराठा आरक्षणाच्या मुद्द्यावरून राज्यातील वातावरण ढवळून निघालं आहे. सध्या शासनही अर्कशासनातही जोरदार तयारी करत आहे. परंतु आरक्षणाबाबत अद्यापही साशंकता आहे. परंतु याच दरम्यान माजी मुख्यमंत्री पृथ्वीराज चव्हाण यांनी मोठा गौप्यस्फोट केला आहे.
ते म्हणाले आहेत की, मी जुलै 2014 मध्ये मराठा समाजाला 14 टक्के आरक्षण दिलं होतं. नव्या सरकारला हे आरक्षण टिकवता आलं नाही. मी ज्या फॉर्मुल्याने मराठा आरक्षण दिलं त्याच फॉर्मुल्याने मराठा समाजाला आरक्षण मिळू शकेल, असा दावाही त्यांनी केला. सोबतच त्यांनी उपमुख्यमंत्री फडणवीस यांच्यावर घणाघात केला आहे.
देवेंद्र फडणवीस यांनी देखील मराठा आरक्षणाबाबत 16 टक्केच्या ऐवजी 12 टक्के आरक्षण द्यायचा प्रयत्न केला होता. मात्र ती निव्वळ फसवणूक होती, फडणवीसांकडून फसवणूक झाली असा दावा पृथ्वीराज चव्हाण यांनी केला.
पुढे ते म्हणाले की, स्वातंत्र्यानंतर या आरक्षणाविषयी पहिल्यांदा मी हा प्रश्न हाताळत कायद्याच्या चौकटीत बसून आरक्षणाचा प्रश्न हाताळला. त्यावेळी आम्ही न्यायालयाची सब कमिटी नेमली होती.
यामध्ये मराठा समाजाला क्रिमिलियरची अट टाकून 2014 मध्ये 16 टक्के आरक्षण दिले आणि मुस्लिमांच्या मागासलेल्या लोकांना अशा 50 जाती शोधून 5 टक्के आरक्षण त्याकाळी दिले होते, असं सांगतानाच आमचं सरकार पाडण्यात आलं आणि हे आरक्षण टिकू शकल नाही असंही ते म्हणाले.
