spot_img
अहमदनगरमोदींना पंतप्रधान बनवण्यासाठी कामाला लागा, 'या' नेत्याने का केले असे वक्तव्य...

मोदींना पंतप्रधान बनवण्यासाठी कामाला लागा, ‘या’ नेत्याने का केले असे वक्तव्य…

spot_img

आगामी निवडणुकांसाठी प्रमुख पदाधिकारी, सुपर वॉरिअर यांची बैठक
अहमदनगर | नगर सह्याद्री –
गेल्या १० वर्षांत पंतप्रधान नरेंद्रजी मोदी यांच्या नेतृत्वाखाली देशाने मोठी प्रगती केली आहे. जागतिक पातळीवर भारताचा वाढत असलेला प्रभाव हे पंतप्रधान नरेंद्र  मोदी यांच्या दूरदृष्टीचे द्योतक आहे. अशीच घोडदौड राज्यातही उपमुख्यमंत्री देवेंद्र फडवणीस यांच्या नियोजनाखाली सुरु आहे. येणार्‍या सर्वच निवडणुकीत भाजपाला नंबर एकचा पक्ष करण्यासाठी कार्यकर्त्यांनी परिश्रम घ्यावे,  नरेंद्र मोदींना पुन्हा पंतप्रधान बनवण्यासाठी कामाला लागा असे आवाहन भाजपाचे नगर शहर जिल्हाध्यक्ष अभय आगरकर यांनी केले.

प्रभाग क्रमांक १ व २ मधील प्रमुख पदाधिकारी, सुपर वॉरिअर यांची बैठक शहर जिल्हाध्यक्ष अभय आगरकर, लोकसभा निवडणूक प्रमुख माजी महापौर बाबासाहेब वाकळे, विधानसभा प्रमुख  भैय्या गंधे यांच्या प्रमुख उपस्थिती पार पडली. यावेळी ते बोलत होते. यावेळी सरचिटणीस सचिन पारखी, सावेडी मंडल अध्यक्ष  नितीन शेलार, विधानसभा विस्तारक सागर भोपे, उपाध्यक्ष बाबासाहेब सानप, नगरसेवक रामदास आंधळे, चिटणीस महेश तवले आदी उपस्थित होते.

यावेळी आगरकर म्हणाले, भारतीय जनता पार्टीच्या केंद्र व राज्यातील सरकारने सर्वसामान्यांसह सर्वच क्षेत्रातील लोकांसाठी विविध योजनांच्या माध्यमातून विकास साधला आहे. या योजनांचा लाभ अनेकांना होत असल्याने अनेक लोक भाजपाशी जोडले जात आहेत. येणार्‍या निवडणुकीत पुन्हा नरेंद्रजी मोदी यांना पंतप्रधान करण्यासाठी कार्यकर्त्यांनी कंबर कसून कामाला लागावे असे ते म्हणाले.

याप्रसंगी बाबासाहेब वाकळे म्हणाले, केंद्र व राज्य सरकारच्यावतीने राबविण्यात येत असलेल्या योजनांचा लाभ संबंधितापर्यंत पोहचविण्यासाठी कार्यकर्त्यांनी काम करावे.  ज्यांनी या योजनेंतून प्रगती साधली अशा लोकांचा प्रतिक्रिया जनसामान्यापर्यंत पोहचवाव्यात. नगर लोकसभा मतदार संघातील भाजपाचे खा.डॉ.सुजय विखे यांनी नगरमध्ये केलेल्या विकास कामांमुळे नागरिकांचे अनेक प्रश्न मार्गी लागले आहेत. पदाधिकारी, कार्यकर्त्यांनी जनतेच्या संपर्कात रहावे, असे आवाहन केले.

कार्यक्रमाचे सूत्रसंचालन सचिन पारखी यांनी केले तर आभार नितीन शेलार यांनी मानले. यावेळी प्रभाग १ व २ मधील भाजपाचे पदाधिकारी, मान्यवर उपस्थित होते.

 

आणखी महत्वाच्या बातम्या

आणखी वाचा

धक्कादायक! मध्यरात्री मित्राच्या घरी गेला, धारदार शस्राने खून केला

अहमदनगर। नगर सहयाद्री- जिल्ह्यात पुन्हा एक धक्कादायक प्रकरण उघडकीस आले आहे. मित्राने धारदार शस्राने...

आजचे राशी भविष्य! लक्ष्मी मातेच्या कृपेने ‘या’ राशींना होणार मोठा लाभ

मुंबई । नगर सह्याद्री - मेष राशी भविष्य तुमच्या मनाला छळणा-या समस्यांची सोडवणूक करण्यासाठी तुमचे बुद्धिचातुर्य...

धक्कादायक! मित्रानेच केला मित्राचा खून; आरोपी असा अडकला जाळ्यात…

अहमदनगर / नगर सह्याद्री मित्रानेच मित्राचा खून केल्याची धक्कादायक घटना उघडकीस आली आहे. खून...

Politics News: आमदार राम शिंदे यांनी सांगितले खा. सुजय विखे यांचा विजयाचे गणित! ‘इतक्या’ लाखांचे मताधिक्यक मिळणार, पहा..

अहमदनगर | नगर सह्याद्री लोकसभा निवडणुकीत अनेक अफवा पसरवल्या गेल्या होत्या, तथाकथित सर्व्हेही झाले होती....