पंढरपूर / नगर सह्याद्री : सध्या अनेक देवस्थान ठिकाणावरून विविध हाक्कादायक घडामोडी समोर येत आहेत. तुळजापूरच्या तुळजाभवानी मातेच्या मंदिरातील दागिने चोरीची घटना ताजी असतानाच आता एक धक्कादायक घटना समोर आली आहे.
महाराष्ट्रातील जागृत अशा विठ्ठल-रुक्मिणी मंदिरातील दागिने चोरी झाल्याचा आरोप करण्यात आला आहे. महाराष्ट्र मंदिर महासंघाचे समन्वयक अ‍ॅड. सुनील घनवट यांनी आज पत्रकार परिषद घेत विविध आरोप केले आहेत. ते म्हणाले आहेत की, एसआयटी नेमून श्री विठ्ठल रुक्मिणी मंदिर समितीच्या कारभाराची चौकशी करा. श्री विठ्ठलाचे 203 आणि रुक्मिणी मातेच्या 111 दागिन्यांची नोंद ताळेबंदामध्ये दिसून येत नसल्याचे समोर आले असल्याचे ते म्हणाले आहेत.
संबंधित अधिकाऱ्यांवर गुन्हे दाखल करा, अशी मागणी मंदिर महासंघाने केली आहे. लेखापरीक्षकांना रजिस्टर दाखवले नाही तर लेखा परीक्षण का केले? असा सवाल करण्यात आला आहे. आम्हाला 315 दागिने दिले नाहीत असं लेखापरीक्षकांचा अभिप्राय आहे. दागिने सील करून ठेवले जात नाहीत. दागिने सील न केल्याने दागिने गायब करण्याला किंवा बदलण्याला वाव मिळतो. देणगी मोजताना बाहेर सुरक्षा रक्षक नेमला नाही, असा आरोप महाराष्ट्र मंदिर महासंघाचे समन्वयक सुनील घनवट यांनी केला आहे.
