spot_img
अहमदनगरAhmednagar: चॉकलेटी कॉफी शॉपचा नावाखाली 'काळा' कारभार!! 'सहा' कॅफे वर धाड

Ahmednagar: चॉकलेटी कॉफी शॉपचा नावाखाली ‘काळा’ कारभार!! ‘सहा’ कॅफे वर धाड

spot_img

अहमदनगर। नगर सहयाद्री
नगर शहरातील सहा कॅफेंवर स्थानिक गुन्हे शाखेच्या पथकाने छापा टाकत अश्लिल चाळे करणार्‍या अल्पवयीन मुलामुलींच्या बारा जोडप्यांसह सहा कॅफे चालकांना ताब्यात घेतले. त्यांच्यावर तोफखाना व कोतवाली पोलिस ठाण्यात गुन्हे दाखल केले आहेत. कारवाईवेळी अनेक जोडपी छोट्या केबिनमध्ये अश्लील चाळे करताना आढळले. कॅफे चालक जोडप्यांना चाळे करण्यासाठी केबिन उपलब्ध करून देत त्यासाठी दर तासाला २०० रुपये दर आकारल्याचे समोर आले आहे.

गेल्या काही महिन्यांपासून शहरात कॅफेंचे पेव फुटले आहे. कॅफेच्या नावाखाली आतमध्ये छोटे छोटे केबिन मुलामुलींना अश्लील चाळे करण्यास उपलब्ध करून देण्यात येतात. स्थानिक गुन्हे शाखेने सोमवारी सावेडीत श्रीराम चौक येथील लव्ह बर्डस कॅफे, कुष्ठधाम रोड येथील बाबाज् कॅफे, गुलमोहर रोड येथील हर्षाज कॅफे, नगर-मनमाड रोडवरील झेड. के. कॅफे या चार व बुरुडगाव रोडवरील इगलप्राईड कॉम्प्लेसमधील गोल्डरश कॅफे व चाणय चौकातील रिजकिंग कॅफे अशा सहा कॅफेंवर छापे टाकले.

बारा ते तेरा जोडप्यांना ताब्यात घेतले. तसेच कॉफी शॉपचा परवाना नसताना कॉफी शॉपचा बोर्ड लावून कुठलीही कॉफी, पेय अगर खाद्यपदार्थ विक्रीस न ठेवता आतमध्ये मुलामुलींना बसण्यास केबिन बनवल्याने ऋषीकेश सखाराम निर्मळ (रा. झोपडी कॅटीन), महेश मच्छिंद्र तेलोरे, रोहित कुमार साठे, हर्षवर्धन भाऊसाहेब काकडे (सर्व रा. तपोवन रोड, सावेडी), सागर अशोक उदमले (रा. हिवरेझरे, ता. नगर), रवी रघुनाथ चौरे (रा. गायकेमळा, कल्याण रोड), अर्जुन ईश्वर कचरे (रा. कानडेमळा, सारसनगर) यांच्यावर कोतवाली व तोफखाना पोलिस ठाण्यात गुन्हा दाखल केला आहे. पोनि दिनेश आहेर यांच्या मार्गदर्शनाखाली पोसई तुषार धाकराव, सोपान गोरे यांच्या पथकाने ही कारवाई केली.

आणखी महत्वाच्या बातम्या

आणखी वाचा

‘माजी सभापती भानुदास कोतकर यांच्या वाढदिवसानिमित्त शालेय साहित्याचे वाटप’

अहमदनगर| नगर सह्याद्री कृषी उत्पन्न बाजार समिती, पंचायत समितीचे माजी सभापती भानुदास कोतकर यांच्या वाढदिवसानिमित्त...

नगरमध्ये १८ आरोग्यवर्धिनी केंद्र! बोल्हेगावसह ‘या’ भागाचा समावेश

अहमदनगर। नगर सहयाद्री केंद्र शासनाच्या राष्ट्रीय आरोग्य अभियानांतर्गत महापालिकेच्या वतीने नगर शहरात आयुष्यमान आरोग्य मंदिर...

विधानसभेत राडा! शिंदे गटाचे ‘ते’ दोन आमदार ऐकमेंकाना भिडले, नेमकं कारण काय? पहा..

मुंबई। नगर सह्याद्री विधीमंडळाचा शुक्रवारी शेवटचा दिवस असतनाच शिंदे गटाच्या दोन आमदारांमध्ये राडा झाला. विधानसभेच्या...

जातीपेक्षा पक्ष मोठा झाला का? मनोज जरांगे यांचा मराठा नेत्यांवर संताप

छत्रपती संभाजीनगर। नगर सह्याद्री- मराठा समाजाचे सर्वपक्षीय जे आमदार, मंत्री आहेत त्यांनी सगेसोयरे यांच्याबाबत अधिवेशनात...