Politics News: मतदार संघातील मतदाराची दिवाळी गोड करण्याचा निर्णय महसूल तथा महसूल मंत्री राधाकृष्ण विखे पाटील यांनी घेतला आहे. डॉ सुजय विखे पाटील यांच्या उपिस्थत साखर वाटप कार्यक्रमाचा शुभारंभ पार पडला. यावेळी खासदार विखे पाटील यांनी विरोधकांच्या टिकेला तिखट शब्दात प्रतीउत्तर दिले आहे.
शिर्डी मतदार संघातील साठ हजार कटुबांला पाच किलो साखर भेट देण्याचा निर्णय महसूल मंत्री राधाकृष्ण विखे पाटील यांनी घेतला आहे. त्यापूर्वी शिर्डी मतदार संघातील गणेश कारखान्यातील सभासदांना दहा किलो साखर मोफत भेट देण्याचा निर्णय माजी महसूल मंत्री बाळासाहेब थोरात व विवेक कोल्हे यांच्या यूतीने घेतला. दोन्ही हि नेत्यांनी मतदार संघातील नेत्याची दिवाळी गोड करण्याचा निर्णय घेतला. शिर्डी मतदार संघातील मतदार संघाला पाच किलो साखर वाटपाचा शुभारंभ खासदार विखे पाटील यांच्या हस्ते झाला. यावेळी ते बोलत होते.
खासदार विखे पाटील म्हणाले, विखे परिवाराच्या निमंत्रणाची दखल घेऊन विश्वनेते पंतप्रधान नरेंद्र मोदी शिर्डी मतदार मतदार संघात आले. विखे परिवार मतदारसंघातील जनते सोबत राहत सुख आणि दुःख सोसत असते. कोविड काळात किराणा किटचे वाटप तसेच शाळकरी मुलांना जेवणाचे डबे व मंत्रिपद मिळाल्यानंतर घरोघरी पेढे वाटप करण्यात आले होते. त्यावेळी निवडणूक नव्हती.
पुढे बोलतांना खासदार विखे पाटील म्हणाले, निवडणूकीचा आणि जनतेला साखर मोफत देण्याचा काहीही संबंध नाही. एखाद्या निवडणुकीने जागे होणारे आम्ही नाहीत. विरोधकांच्या टीकेला जनते समोर उत्तर न देता योग्य वेळी विरोधकांच्या घराजवळ जाऊन बोलेन, असे खासदार डॉ. सुजय विखे म्हणाले.
