spot_img
महाराष्ट्रमोठी बातमी!! दगडफेक, तोडफोड, दंगल!! 'या' भागात पोलिसांकडून लाठीचार्जे

मोठी बातमी!! दगडफेक, तोडफोड, दंगल!! ‘या’ भागात पोलिसांकडून लाठीचार्जे

spot_img

छत्रपती संभाजीनगर | नगर सह्याद्री

पडेगाव, कासंबरी दर्गा भागात किरकोळ कारणावरून कादियानी आणि सुन्नी पंथियाच्या दोन गटांत सोमवारी (ता. २२) तुफान दगडफेक, लाठाकाठ्या, रॉडने मारामारी झाली. दुपारी तीन वाजता हा प्रकार घडला. जमावाला आटोयात आणण्यासाठी पोलिसांनी लाठीमार, अश्रुधूर आणि हँडग्रेनेडचा वापर केला. घटनेनंतर दोन्ही गटांतील ६३ संशयितांना अटक केली. या प्रकरणी छावणी पोलिस ठाण्यात खुनाचा प्रयत्न, दंगलीचा गुन्हा नोंदवला.

या घटनेत १३ जण गंभीर जखमी झाले. या प्रकरणी पहिल्या गटाच्या वतीने शेख आरेफ शेख उस्मान (वय ४३, रा. पडेगाव) यांनी दिलेल्या तक्रारीनुसार आरेफ यांचा भाऊ लतीफ पडेगाव भागात गट क्रमांक ९२ मध्ये राहतो. या गटाच्या शेजारी असलेल्या गट क्रमांक ९१ मध्ये कादियानी पंथाची वस्ती आहे.

आरेफला भावाच्या घरी जाण्यासाठी गट क्रमांक ९२ मधून जावे लागते. सोमवारी दुपारी कादियानी समाजाच्या जमावाने आमच्या वस्तीतून का येणे-जाणे करता?, असे म्हणत आरेफ आणि इतरांवर लाठ्याकाठ्या, रॉड, तलवारीने हल्ला करीत दगडफेक केली. या प्रकरणी आरेफ यांच्या तक्रारीवरून ५० जणांविरुद्ध गुन्हा नोंद झाला. या प्रकरणी पोलिसांनी ३७ संशयितांना अटक केली.

याच प्रकरणात दुसर्‍या गटाचे मोहम्मद झिशान नजर मोहम्मद (वय ३५, रा. पडेगाव) यांनी दिलेल्या तक्रारीनुसार त्यांच्या घराजवळ काही मुले येऊन बसत होती. सोमवारी दुपारी झिशान त्यांना समजावून सांगत असताना एका मुलाने आईला बोलावून आणले. यावेळी वाद झाल्याने दुसर्‍या गटातील जमावाने झिशान आणि इतरांवर हल्ला करीत दगडफेक केली. या प्रकरणी शंभर ते सव्वाशे लोकांवर गुन्हा दाखल करण्यात आला.

यामध्ये २७ संशयितांना अटक केली आहे. या दंगलीमध्ये तेरा गंभीर जखमी झाले आहेत. या दंगलीची माहिती मिळताच पोलिस उपायुक्त नितीन बगाटे यांनी फौजफाट्यासह घटनास्थळ गाठले. पोलिसांनाही दंगेखोर जुमानत नव्हते. उपायुक्त बगाटे यांनी जमावाला पांगवण्यासाठी अश्रुधूर, हँडग्रेनेडचा वापर करीत लाठीमार केला. नंतर संशयित दंगेखोरांना ताब्यात घेतले.

आणखी महत्वाच्या बातम्या

आणखी वाचा

‘महाराष्ट्राच्या राजकारणात पुढच्या आठ दिवसात राजकीय स्फोट होणार’, चर्चांना उधाण

यवतमाळ / नगर सह्याद्री : महाराष्ट्राच्या राजकारणात मागील काही दिवसांपासून विविध घडामोडी घडतायेत. नुकतेच...

Politics News : अशोक चव्हाणांनी केला आणखी एक भूकंप ! ‘त्या’ ५५ बड्या नेत्यांनी काँग्रेसला ठोकला रामराम

नांदेड / नगर सह्याद्री : माजी मुख्यमंत्री अशोक चव्हाण यांनी भाजपमध्ये येत काँग्रेसला...

‘मंत्री विखे पाटील यांच्या माध्यमांतून सव्वा दोन कोटींची विकासकामे’

सचिन वराळ पाटील यांची माहिती निघोज। नगर सहयाद्री- निघोज - अळकुटी जिल्हा परिषद गटातील २२ गावांमध्ये...

मराठा आंदोलनाचा थरार ! समृद्धी महामार्ग अडवण्याचा प्रयत्न, तरुणाने भररस्त्यात जाळली नवीकोरी बाईक

जालना / नगर सह्याद्री : राज्य सरकारने मराठा समाजाला १० टक्के स्वतंत्र आरक्षण...