spot_img
अहमदनगरAhmednagar Breaking : नगर शहरात थरार, कामगाराने केला ठेकेदाराचा खून

Ahmednagar Breaking : नगर शहरात थरार, कामगाराने केला ठेकेदाराचा खून

spot_img

अहमदनगर / नगर सह्याद्री : अहमदनगर जिल्ह्यात विविध धक्कादायक गुन्हेगारी घटना घडत आहेत. आता नगर शहरामधून एक खळबळजनक बातमी समोर आली आहे. कामगाराला शांत बसा असे म्हटल्याचा राग आल्याने कामगाराने ठेकेदाराचा चाकूने भोकसून खून केला आहे.

सावेडी उपनगरातील गुलमोहर रोडवरील पारीजात चौक परिसरात असलेल्या तांबटकर मळा येथे ही घटना घडली. गुरुवारी (दि.२८) रात्री साडेदहाच्या सुमारास हा प्रकार घडला असून कमलेश कुशावह (रा. नवाबगंज, उत्तर प्रदेश, हल्ली रा. तांबटकर मळा, पारीजात चौक, गुलमोहर रोड) असे मयताचे नाव आहे. बिंदाप्रसाद कालीदीन रावत असे आरोपीचे नाव आहे.

मयत कमलेश कुशावह हे विविध कामासाठी कामगार पुरविण्याचे काम करत होते. ते उत्तरप्रदेश मधून नगरमध्ये ४ वर्षांपूर्वी कामासाठी आलेले होते. ते सध्या तांबटकर मळा येथे त्यांचे गावाकडील चांद आलमनुर आलम खान यांचे सिमेंट ब्लॉक, कंपाउंड वगैरे तयार करण्याचे काम करत होते. त्यांचे सोबत त्यांनी त्यांच्या गावाकडून आणखी काही मजुर कामाला होते. त्यामधे आझाद खान, संदिप कुमार, रामबाबु सिंग, अक्रम असे कामावर आहेत. सुमारे सात आठ महिन्यापासून बिंदाप्रसाद कालीदीन रावत हादेखील त्यांसोबत काम करत आहे.

गुरुवारी (दि.२८) रात्री १०.३० च्या सुमारास कमलेश, त्यांची पत्नी व मुलांनी जेवण केले व नातेवाईकाचा फोन आल्याने ते फोनवर बोलत होते. तेव्हा बिंदाप्रसाद कालीदीन रावत हा तेथे आला व मोठयाने बोलू लागला. तेव्हा कमलेश यांनी त्यास आम्ही फोनवर बोलत आहोत. तू शांत बस असे सांगितले.

यावेळी तो शिवीगाळ करू लागला. यावेळी कमलेश यांनी बिंदा यास तुला आमच्याकडे काम करायचे नसेल तर ऍडव्हान्स घेतलेले पैसे देऊन टाक असे सांगितले. याचा राग आल्याने बिंदाप्रसाद याने कमलेश यांना चाकूने भोकसले. आरडा ओरडा ऐकून अन्य कामगार तेथे आले. त्यांनी बिंदाप्रसाद कालीदीन रावत यास पकडून ठेवले व कमलेश यांस औषधोपचारासाठी शासकीय रुग्णालयात नेले. डॉक्टरांनी कमलेश यांना मयत घोषित केले.

आणखी महत्वाच्या बातम्या

आणखी वाचा

जिल्ह्यात दमदार पाऊस; नदी काठच्या नागरिकांना सतर्कतेचा इशारा

अहमदनगर | नगर सह्याद्री:- नगर शहरासह जिल्ह्यात काही भागात दोन दिवसांपासून रिमझिम तर काही भागात...

‘जे चुकीचे वागले त्यांना शिक्षा झाली पाहिजे’, आ. थोरात यांनी घेतली खा.लंके यांची भेट

माजी मंत्री आ. बाळासाहेब थोरात | सलाईन घेत खा.लंके यांचे उपोषण सुरू अहमदनगर | नगर...

एक फोन अन आला, दोन लाख घेऊन गेला! महावितरणच्या अधिकाऱ्याचा सोबत नेमकं घडलं काय?

अहमदनगर | नगर सह्याद्री:- आयसीआयसी आय बँकेच्या नावे आलेल्या बनावट फोनला प्रतिसाद दिल्याने नोकरदार व्यक्तीच्या...

रिक्षा चालकांचा ‘तो’ प्रश्न मार्गी लावणार: आ. संग्राम जगताप

ऑटो संघटना फेडरेशनच्यावतीने आ.जगताप यांचा सत्कार अहमदनगर | नगर सह्याद्री:- रिक्षा फिटनेस, पासिंगबाबींसाठी लेटफी ही दर...