spot_img
अहमदनगरAhmednagar breaking: कारागृहातील चार कैदी पसार; 'असा' घडला प्रकार

Ahmednagar breaking: कारागृहातील चार कैदी पसार; ‘असा’ घडला प्रकार

spot_img

संगमनेर । नगर सहयाद्री

संगमनेर शहर पोलीस ठाणे शेजारीच असणार्‍या जेलमधील चार आरोपींनी जेलचे गज तोडून पलायन केल्याची घटना बुधवारी पहाटे साडेसहाच्या सुमारास ही घटना उघडकीस आली. कैदी पळून गेल्याने पोलिसांची पळापळ झाली. आरोपींना पकडण्यासाठी पोलीस पथके वेगवेगळ्या दिशेने रवाना झाले आहेत. कारागृहातून कैदी पळाल्याने संगमनेर जेल प्रशासनाची इभ्रत चव्हाट्यावर आली आहे.

संगमनेर शहर पोलीस ठाणे शेजारीच उपकारागृह बांधलेले आहे. या कारागृहात तीन बराकी असून २४ कैद्यांची क्षमता असतानाही अनेकदा क्षमतेपेक्षा जास्त कैदी जेलमध्ये असतात. कारागृहामध्ये कैद्यांना गुटखा, तंबाखू, बाहेरचे जेवण, मोबाईल आदी सुविधा सहज उपलब्ध होत असल्याने संगमनेरचे कारागृह नेहमी चर्चेचा विषय असते. जेलच्या बंदोबस्तावर असणारे पोलीस व कैदी यांच्यातील वादामुळे हे कारागृह वादग्रस्त ठरले आहे. संगमनेच्या कारागृहात सध्या अनेक कैदी आहेत. मंगळवारी रात्री नेहमीप्रमाणे तीन पोलीस कर्मचारी बंदोबस्तास होते. हे कर्मचारी बंदोबस्तात असतानाही कैदी जेलचे गज कापून पळून जाण्यात यशस्वी ठरले. शिक्षा भोगत असलेले राहुल काळे, मच्छिंद्र जाधव, रोशन थापा ददेल, अनिल काळे हे पळून गेले आहेत.

अतिशय नियोजनबद्ध पद्धतीने आरोपींनी पळ काढला. बंदोबस्तावरील पोलिसांचे दुर्लक्ष व्हावे, यासाठी जेलमध्ये मोठ मोठ्याने गाणे, आरत्या सुरू होत्या. या गोंधळात चौघांनी जेलचे गज तोडले. ठरल्याप्रमाणे बाहेर एक कार अगोदरच येऊन थांबली होती. जेल तोडून हे कैदी कारमध्ये बसून पसार झाले. जेलमधून कैदी पळून गेल्याचे पोलिसांना समजताच त्यांची धांदल उडाली. तिघेजण जेलच्या बंदोबस्तासाठी नियुक्त होते. त्यांनी कैदी पळून गेल्याची माहिती वरिष्ठांना दिल्यानंतर तातडीने पोलीस पथके तयार करून नाशिक व इतर ३ ठिकाणी पाठवले.

पळून गेलेले आरोपी गंभीर गुन्ह्यातील असल्याने त्यांना पकडण्याचे पोलिसांसमोर मोठे आव्हान आहे. कैदी पळून गेल्याने पोलिसांच्या भूमिकेवर पुन्हा प्रश्नचिन्ह निर्माण झाले आहे. जेलमधील कैद्यांकडे अँड्रॉइड मोबाईल होता, अशी माहिती उपलब्ध झाली आहे. हा मोबाईल त्यांना कोणी पुरवला, त्यांना घेऊन जाणारे वाहन कोणाचे होते, बंदोबस्ताला तीन पोलीस असतानाही कैदी पळून कसे गेले आदी प्रश्न यामुळे उपस्थित झाले आहेत.

पोलीस निरीक्षक चौकशीच्या भोवर्‍यात?
संगमनेर शहर पोलीस ठाण्याचे पोलीस निरीक्षक भगवान मथुरे रात्री बंदोबस्तावर होते. तुरुंगाची तपासणी करण्याची जबाबदारी त्यांच्यावर होती. खुद्द पोलीस निरीक्षक बंदोबस्तास असतानाही जेलमधील कैदी पळून गेले आहेत. यामुळे पोलीस निरीक्षकांची चौकशी होण्याची शयता आहे. जिल्हा पोलीस अधीक्षकांच्या भूमिकेकडे सर्वांचे लक्ष आहे.

आणखी महत्वाच्या बातम्या

आणखी वाचा

Ahmednagar Crime: लघुशंकेसाठी थांबणे पडले महागात! पुण्याच्या कुटुंबाला केडगावात लुटले

अहमदनगर। नगर सहयाद्री कारमधून जाणारे कुटुंबीय लघुशंकेसाठी रस्त्याच्या कडेला थांबले असताना अज्ञात चोरट्यांनी धारदार शस्राच्या...

आनंदाची बातमी आली, महाराष्ट्रात कधी बरसणार मान्सून? हवामानशास्त्र विभागाने दिली नवी माहिती, वाचा सविस्तर..

मुंबई । नगर सहयाद्री- यंदा भारतात आणि दक्षिण आशियातील देशांमध्ये मॉन्सून जोरदार बरसणार असल्याचा अंदाज...

Ahmednagar Crime: धक्कादायक! मध्यरात्री मित्राच्या घरी गेला, धारदार शस्राने खून केला

अहमदनगर। नगर सहयाद्री- जिल्ह्यात पुन्हा एक धक्कादायक प्रकरण उघडकीस आले आहे. मित्राने धारदार शस्राने...

आजचे राशी भविष्य! लक्ष्मी मातेच्या कृपेने ‘या’ राशींना होणार मोठा लाभ

मुंबई । नगर सह्याद्री - मेष राशी भविष्य तुमच्या मनाला छळणा-या समस्यांची सोडवणूक करण्यासाठी तुमचे बुद्धिचातुर्य...