spot_img
अहमदनगरAhmednagar News: शेतकरी आक्रमक! बाजार समितीतील कांदा लिलाव पाडला बंद

Ahmednagar News: शेतकरी आक्रमक! बाजार समितीतील कांदा लिलाव पाडला बंद

spot_img

पारनेर | नगर सह्याद्री-
केंद्र सरकारने कांदा निर्यात बंदी केल्या नंतर पारनेर बाजार समितीत रविवार १० डिसेंबर रोजी सकाळी कांद्याचे भाव गडगडले, संतप्त शेतकर्‍यांनी कामगार नेते शिवाजी औटी यांच्या नेतृत्वाखाली कांदा लिलाव बंद पाडले.

केंद्र सरकारने शुक्रवारी कांदा निर्यात बंदी केल्यामुळे कांदा उत्पादक शेतकरी संकटात सापडले आहेत. रविवारी पारनेर बाजार समितीत कांदा चे लिलाव होते, ४० ते ४५ रुपये किलो ला भाव असलेला कांदा रविवारी २२ ते २८ रुपये पर्यंत गडगडले, यामुळे कामगार नेते शिवाजी औटी यांच्या सह शेतकरी मोठ्या प्रमाणावर बाजार समितीत दाखल झाले.

त्यांनी कांद्याचे लिलाव बंद पाडले. यावेळी भिकाजी जगदाळे, शेतकरी संघटनेचे मुरलीधर जगदाळे, पांडुरंग ढवळे, महेंद्र पांढरकर, राजकुमार मोरे, पांडुरंग पडवळ, कैलास चौधरी, अण्णा मोरे, अर्जुन गंधाकते , ज्ञानदेव पानसरे, भाऊ बोरूडे,पोपट मोरे, शिवाजी गंधाकते, संतोष कावरे आदी सह शेतकरी उपस्थित होते.

यावेळी सभापती बाबाजी तरटे, सचिव सुरेश आढाव,संचालक चंदन भळगट, नंदकुमार देशमुख ,किसन गंधाडे, तुकाराम पडवळ, संतोष दिघे, यांनी पारनेर बाजार समिती शेतकर्‍यांन बरोबर असून केंद्र सरकारने कांदा निर्यात बंदीचा घेतलेला निर्णयचा निषेध केला. दरम्यान शेतकरी व सभापती, व्यापारी यांच्या चर्चे नंतर पुन्हा लिलाव सुरू करण्यात आले.

शेतकरी व व्यापारी दोन्ही अडचणींत

कांदा निर्यात बंदी चा केंद्र सरकारने अचानक निर्णय घेतल्याने शेतकरी व व्यापारी दोन्ही अडचणींत सापडले आहेत. कांद्याचे भाव गडगडले आहे. तातडीने निर्यात बंदी उठवली पाहिजे.
-मारूती रेपाळे, अध्यक्ष, पारनेर तालुका व्यापारी संघटना

बाजार समिती शेतकर्‍यांबरोबर

पारनेर बाजार समिती शेतकर्‍यांबरोबर आहे. केंद्र सरकारच्या धोरणाचा आम्ही निषेध करतो. शेतकर्‍यांचे म्हणणे असेल तर बुधवारी कांदा लिलाव बंद ठेवू मात्र कांदा खराब होऊन शेतकर्‍यांचे नुकसान होऊ नये याचा विचार करावा.

-बाबाजी तरटे, सभापती बाजार समिती

निर्यात बंदी उठवली नाही तर कांदा लिलाव बेमुदत बंद

केंद्र सरकारने कांदा निर्यात बंदी केल्या मुळे शेतकरी संकटात सापडला आहे. पारनेर तालुक्यात तर एकीकडे गारपीट मुळे काही भागातील कांदा चे नुकसान झाले दुसरीकडे आता भाव गडगडले मुळें शेतकरांचे नुकसान होत आहे. कांदा निर्यात बंदी उठवली नाही तर कांदा लिलाव बेमुदत बंद ठेवू.

-शिवाजी औटी, कामगार संघटना नेते

 

आणखी महत्वाच्या बातम्या

आणखी वाचा

‘महाराष्ट्राच्या राजकारणात पुढच्या आठ दिवसात राजकीय स्फोट होणार’, चर्चांना उधाण

यवतमाळ / नगर सह्याद्री : महाराष्ट्राच्या राजकारणात मागील काही दिवसांपासून विविध घडामोडी घडतायेत. नुकतेच...

Politics News : अशोक चव्हाणांनी केला आणखी एक भूकंप ! ‘त्या’ ५५ बड्या नेत्यांनी काँग्रेसला ठोकला रामराम

नांदेड / नगर सह्याद्री : माजी मुख्यमंत्री अशोक चव्हाण यांनी भाजपमध्ये येत काँग्रेसला...

‘मंत्री विखे पाटील यांच्या माध्यमांतून सव्वा दोन कोटींची विकासकामे’

सचिन वराळ पाटील यांची माहिती निघोज। नगर सहयाद्री- निघोज - अळकुटी जिल्हा परिषद गटातील २२ गावांमध्ये...

मराठा आंदोलनाचा थरार ! समृद्धी महामार्ग अडवण्याचा प्रयत्न, तरुणाने भररस्त्यात जाळली नवीकोरी बाईक

जालना / नगर सह्याद्री : राज्य सरकारने मराठा समाजाला १० टक्के स्वतंत्र आरक्षण...