spot_img
अहमदनगरपारनेर दूध संघाच्या अध्यक्षपदी विखे समर्थक दत्तानाना पवार यांची नियुक्ती

पारनेर दूध संघाच्या अध्यक्षपदी विखे समर्थक दत्तानाना पवार यांची नियुक्ती

spot_img

पारनेर दूध संघाच्या अध्यक्षपदी विखे समर्थक दत्तानाना पवार
पारनेर | नगर सह्याद्री
तालुक्यातील दूध उत्पादकांची कामधेनू समजल्या जाणार्‍या तालुका सहकारी दूध संघावर प्रशासकीय मंडळाची नियुक्ती करण्यात आली असून संघाच्या प्रशासकीय मंडळ अध्यक्षपदी सुप्याचे माजी सरपंच दत्तानाना पवार यांची नियुक्ती करण्यात आली आहे. नाशिक विभागाचे विभागीय उपनिबंधक चंद्रशेखर बारी यांनी याबाबतचे आदेश आज काढले. दत्ता पवार यांची अध्यक्षपदी निवड झाल्याचे वृत्त येताच त्यांच्या समर्थकांनी आनंद व्यक्त केला.

याबाबतची अधिक माहिती अशी की, पारनेर तालुका सहकारी दूध संघावर नगरचे दुग्ध विभागाचे सहायक निबंधक एस. जी. गाडे यांची प्रशासकीय अधिकारी म्हणून प्राधिकृतपणे नियुक्ती करण्यात आली होती. मात्र, संस्थेचे कामकाज सुरू होणे आवश्यक होते आणि त्यातून दूध उत्पादकांसह संघाचे कामकाज लोकाभिमुख होण्याच्या अनुषंगाने संघाचे अवसायकास अंतरीम आदेश देत पालकमंत्री राधाकृष्ण विखे पाटील यांनी स्थगीती दिली होती. याबाबत भाजपा तालुकाध्यक्ष राहुल शिंदे यांनी मंत्री विखे पाटील यांच्याकडे अर्ज दिला होता.
दूध संघाचे कामकाज पाहणे आणि दूध संघाची निवडणूक प्रक्रिया पार पडेपर्यंत दूध संघाचे सभासदांमधून तीन सदस्य समिती नेमणूक करण्याचे आदेश आज काढण्यात आले. त्यानुसार सुपा येथील माजी सरपंच माऊली दूध संघाचे सभासद दत्तात्रय उर्फ दत्तानाना वसंत पवार यांची अध्यक्ष म्हणून नियुक्ती करण्यात आली आहे.

अन्य दोन सदस्यांमध्ये भाळवणी येथील रेणुकामाता दूध संस्थेचे सभासद संदीप बाबाजी ठुबे यांची तर पानोली येथील अजिंक्यतारा दूध संस्थेचे सभासद दादाभाऊ वारे यांची सदस्य म्हणून नियुक्ती करण्यात आली असल्याचे या आदेशात म्हटले आहे. नव्याने नियुक्त करण्यात आलेले हे त्रिसदस्यीय मंडळ दूध संघाची निवडणूक प्रक्रिया पार पाडण्याच्या अनुषंगाने कामकाज पाहणार आहे.

आणखी महत्वाच्या बातम्या

आणखी वाचा

‘मांडओहोळ’ने गाठला तळ! पाणी उपसा करणाऱ्यांनो सावधान, प्रशासनाने दिला ‘हा’ इशारा

पारनेर | नगर सह्याद्री पारनेर तालुक्यात गावागावात व वाड्या वस्त्यांवर पाणी टंचाई निर्माण झाली असून...

महिला बचत गटांसाठी खासदार विखे पाटलांचे मोठे गिफ्ट; वाचा सविस्तर

पाथर्डी | नगर सह्याद्री महिलांना रोजगार मिळण्याच्या दृष्टीकोनातून व सक्षम करण्यासाठी पालकमंत्री राधाकृष्ण विखे पाटील...

बैलगाडा प्रेमींना धक्का! पंढरीशेठ फडके यांचं निधन

मुंबई। नगर सहयाद्री प्रसिद्ध असलेले बैलगाडा शर्यत शौकिन आणि बैलगाडा संघटनेचे अध्यक्ष 'गोल्डमॅन' पंढरीशेठ फडके...

अबब! पुन्हा पेपर फुटला; विद्यार्थी संतप्त

मुंबई / नगर सह्याद्री - राज्यात पुन्हा स्पर्धा परीक्षेचा पेपर फुटल्याचा धक्कादायक प्रकार उघडकीस...