मुंबई। नगर सहयाद्री
लोकसभा निवडणुकीत पहिल्या टप्प्यातील मतदान जवळ आले आहे. महायुतीकडून प्रचाराचा जोरदार धडका सुरु आहे. दरम्यान १४ वर्षानंतर गोविंदाने राजकारणात पुनरामगन केले. एकनाथ शिंदे यांच्या नेतृत्वातील शिवसेनेत गोविंदाने प्रवेश केला असून ते महायुतीचा प्रचार करण्यास सज्ज झाले आहे.
आज दि. १२ एप्रिल रोजी रामटेक लोकसभा मतदारसंघ आणि शिवसेनेच्या उमेदवारांच्या प्रचारासाठीअभिनेते गोविंदा आज नागपूर दाखल झाले आहे. यावेळी त्यांनी माध्यमांशी संवाद साधताना आपल्या निवडणूक उमेदवारीबाबत ही भाष्य केले.
आभनेते गोविंदा म्हणाले, शिवसेनेच्या उमेदवारांना चांगले यश मिळेल. माझा रेकॉर्ड चांगला असून मी जिथे जातो तिथे विजय मिळतो. एकनाथ शिंदे यांनी माझ्यावर विश्वास दाखवला त्याबद्दल त्यांचे आभार मानतो. आपण निवडणूक लढवणार का असा प्रश्न गोविंदा यांना विचारले असता, त्यांनी आपण तिकीट मागितले नाही आणि निवडणूक लढवण्याबाबत काहीही चर्चा केली नसल्याचे गोविंदा यांनी स्पष्ट केले.
