नगर सहयाद्री वेब टीम-
जर तुम्ही इलेक्ट्रिक बाइक किंवा स्कूटर घेण्याचा विचार करत असाल, तर बाजारात आलेल्या ओकायाच्या नवीन बाईककडे नक्की लक्ष द्या. इलेक्ट्रिक टू-व्हीलर मॅन्युफॅक्चरिंग कंपनी Okaya EV ने आज भारतात आपली नवीन इलेक्ट्रिक बाइक Okaya Ferrato Disruptor लाँच केली आहे. ही इलेक्ट्रिक बाईक २५ पैशांमध्ये १ किलोमीटर धावेल असा ओकायाचा दावा आहे.
प्रीमियम डीलरशिपमधून ओकाया ही ई-बाईक विकेल. यासाठी कंपनी १०० हून अधिक शोरूम उघडण्याचा विचार करत आहे. कंपनीने आगामी बाईकचे प्री-बुकिंग सुरू केले आहे. भारतात या बाइकची एक्स-शोरूम किंमत १,५९,९९९रुपये आहे.
दोन्ही चाकांवर ABS सह डिस्क ब्रेक असतील. ई-बाईकमध्ये सस्पेंशनसाठी, पुढच्या बाजूला पारंपारिक टेलिस्कोपिक फोर्क आणि मागील बाजूस मोनो-शॉक युनिट देण्यात आले आहे. याशिवाय बाईकमध्ये टायर हगर, स्प्लिट-सीट सेटअप आणि दोन्ही टोकांना आकर्षक एलईडी दिवे यांसारखी वैशिष्ट्ये देखील असतील.
ई-बाईकला पर्मनंट मॅग्नेट सिंक्रोनस मोटर (PMSM) मिळेल, जी 6.37 kw ची पीक पॉवर आणि 228 Nm कमाल टॉर्क जनरेट करते. कंपनीचा दावा आहे की Disruptor 95 kmph च्या टॉप स्पीडने धावू शकते. या बाइकमध्ये इको, सिटी आणि स्पोर्ट्स असे तीन मोड उपलब्ध असतील.
हँडलबारवर स्विच करून, तुम्ही तुमच्या गरजेनुसार मोड बदलू शकता.इलेक्ट्रिक मोटरला पॉवर देण्यासाठी, त्याला LFP तंत्रज्ञानासह 3.97 kWh बॅटरी पॅक मिळेल. हा एक निश्चित बॅटरी पॅक आहे, ज्यामुळे ही बाईक एकदा पूर्ण चार्ज केल्यानंतर 129 किलोमीटरचे अंतर कापेल.
