मुंबई। नगर सहयाद्री-
भाजप नेते नरेंद्र मोदी यांनी सलग तिसऱ्यांदा पंतप्रधान पदाची शपथ घेतली आहे. त्यांनी सोमवार दि. १० रोजी पंतप्रधान पदाचा पदभार स्विकारल्यानंतर बळीराजाला खुशखबर दिली आहे. शेतकऱ्यांसाठी मोठे गिफ्ट देत पंतप्रधान किसान निधीच्या १७ व्या हप्याला मंजुरी दिली असून १८ जून रोजी पंतप्रधान किसान योजनेचा १७ वा हप्ता शेतकऱ्यांच्या खात्यात जमा होणार आहे.
पंतप्रधान किसान सन्मान निधीची प्रतीक्षा आता संपली आहे. पंतप्रधान नरेंद्र मोदी हे १७ व्या हप्त्याचे पैसे काशीमधून योजनेच्या लाभार्थ्यांच्या खात्यात सोडणार आहेत. याआधी १० जून रोजी पीएम मोदींनी पीएम किसान योजनेच्या फाइलवर स्वाक्षरी केली होती. त्यांच्या तिसऱ्या कार्यकाळातील ही पहिली फाईल होती, जी त्यांनी पास केली आहे.
मोदी 3.0 सरकारचा पहिला निर्णय शेतकऱ्यांच्या हितासाठी घेण्यात आला आहे,.ज्या अंतर्गत किसान सन्मान निधीचा १७ वा हप्ता १८ जून २०१४ रोजी जारी केला जाईल. आत्तापर्यंत केंद्र सरकारने पीएम किसानचे १६ हप्ते लाभार्थी शेतकऱ्यांच्या खात्यावर पाठवले आहेत. आता ९.३ कोटी शेतकऱ्यांना १७ वा हप्ता देण्यात येणार असून २०,००० कोटी रुपये वितरित केले जाणार आहेत.
