नवी दिल्ली-
आज गुरुवारी दि (6 जून) रोजी भाजप अध्यक्ष जेपी नड्डा यांच्या निवासस्थानी बैठक होत आहे. त्यात अमित शहा, राजनाथ सिंह यांच्यासह भाजपचे बडे नेते उपस्थित राहणार आहे. नवीन सरकार स्थापनेची तयारी आणि शपथविधीबाबत बैठकीत चर्चा होणार आहे.
लोकसभा निवडणुकीत बहुमत मिळाल्याच्या दुसऱ्याच दिवशी बुधवारी (5 जून) एनडीएने नरेंद्र मोदी यांची नेतेपदी एकमताने निवड केली. बैठकीत टीडीपी प्रमुख चंद्राबाबू नायडू, बिहारचे मुख्यमंत्री नितीश कुमार, महाराष्ट्राचे मुख्यमंत्री एकनाथ शिंदे यांच्यासह 14 पक्षांचे 21 नेते उपस्थित होते. मोदींनी नायडू आणि नितीश यांच्याही स्वतंत्र बैठका घेतल्या. या दोघांनीही युती कायम राहील, अशी ग्वाही दिल्याचे मानले जात आहे.
लोकसभा निवडणुकीत भाजपला स्पष्ट बहुमत मिळालेले नाही. पक्षाला 240 जागा मिळाल्या आहेत. बहुमताच्या आकड्यापेक्षा (272) ही संख्या 32 कमी आहे. अशा परिस्थितीत ते 14 मित्र पक्षांच्या 53 खासदारांसह आघाडीने सरकार चालवेल. 7 जून रोजी मोदींची भाजप संसदीय पक्ष-एनडीए संसदीय पक्षाच्या नेतेपदी निवड होणार आहे. यानंतर सरकार स्थापनेचा दावा राष्ट्रपतींसमोर मांडला जाणार असून 8 जून रोजी शपथविधी होऊ शकतो अशी माहिती सूत्रांनी दिली आहे.
