मुंबई / नगर सह्याद्री : नोकरी शोधणाऱ्यांसाठी एक खुशखबर आहे. तुम्हाला आरोग्य विभागात नोकरीची सुवर्णसंधी आली आहे. विशेष म्हणजे यासाठी कोणत्याही प्रकारची परीक्षा नसणार आहे.
ही भरती प्रक्रिया जिल्हा प्रशासन, परभणी यांच्याकडून राबवली जात असून इच्छुकांसाठी नोकरीची संधी असणार आहे.
एमबीबीएस आणि पी.जी आणि पदवीधर उमेदवारांना या भरती प्रक्रियेसाठी अर्ज करता येईल. यासाठी परीक्षा नसेल तर थेट मुलाखत असेल. अर्ज करणाऱ्या उमेदवाराचे जास्तीत जास्त वय हे 58 असावे.
या भरती प्रक्रियेसाठी 28 डिसेंबर 2023 ला मुलाखत घेतली जाणार आहे. उमेदवारांना मुलाखतीसाठी जिल्हाधिकारी कार्यालय, परभणी येथे सकाळी दहा वाजता उपस्थित राहवे लागेल. उमेदवाराची निवड ही थेट मुलाखतीच्या माध्यमातून होणार आहे.
नोकरीचे ठिकाण हे परभणी असणार आहे. तसेच मुलाखतीला येताना उमेदवारांना आपली महत्वाची कागदपत्रे देखील आणावी लागणार आहेत. मुलाखतीला जाण्याच्या अगोदर उमेदवारांनी जाहिरात ही व्यवस्थितपणे वाचावी. तुमचे जर शिक्षण वैद्यकीय विषयात झाले असेल तर ही मोठी संधी तुमच्यासाठी आहे.
