अहमदनगर। नगर सहयाद्री –
चेकचा गैरवापर करून मामा-भाच्याने महिलेच्या खात्यातून दोन लाख 92 हजार रूपये काढूनघेतल्याचा धक्कादायक प्रकार घडला आहे. प्रकरणी भाचा सचिन भाऊसाहेब म्हस्के व मामा संजय गोरक्ष आमले यांच्या विरोधात गुन्हा दाखल करण्यात आला आहे.
मिळालेल्या माहितीनुसार, म्हस्के व आमले यांनी फिर्यादी यांचा विश्वास संपादन करून आयसीआयसी बँकेच्या एमआयडीसी शाखेत अर्ज करत त्यांचे खाते उघडले. त्या खात्यावर चार लाख रूपयांचे कर्ज मंजूर करून घेतले.
कर्ज जुने-नवे करण्याच्या बहाण्याने म्हस्के यांनी मामा आमले याच्या खात्यावर चेक जमा करून एकुण दोन लाख 92 हजार रूपये काढून घेतले. फिर्यादी यांनी म्हस्के व आमले यांच्याकडे पैशाची मागणी केली असता त्यांनी पैसे देण्यास वेळोवेळी टाळाटाळ केली.
फिर्यादी महिलेने अतिरिक्त मुख्य न्यायदंडाधिकारी यांच्या न्यायालयात तक्रार दाखल केली होती. त्यानंतर न्यायालयाने गुन्हा दाखल करण्याचे आदेश दिले होते.
