अहमदनगर | नगर सह्याद्री
क्रांतीसुर्य महात्मा ज्योतिबा फुले व विश्वरत्न डॉ. बाबासाहेब आंबेडकर यांच्या जयंती सप्ताह सालाबाद प्रमाणे याही वर्षी साजरा करण्यात आला. नील क्रांती चौक येथे कार्यक्रम चालू असताना काही व्यक्तींनी कार्यक्रमाच्या ठिकाणी येऊन शिवीगाळ करत खुर्च्या फेकून मारहाण केली. कार्यक्रमामध्ये धुडगूस घालणार्‍यांवर मोक्कांतर्गत कारवाई करावी अशी मागणी समस्त आंबेडकरी जनतेच्यावतीने जिल्हा पोलिस अधीक्षकांकडे करण्यात आली आहे.
कार्यक्रमा दरम्यान पठारे नामक व्यक्तीला नीलक्रांती चौक मित्र मंडळाच्या कार्यकर्त्यांनी धुडगूस घालण्यापासून थांबवण्याचा प्रयत्न केला. पठारे हा अट्टल गुन्हेगार असून मोयाच्या गुन्ह्यातून पेरोल वरती जामिनावर बाहेर आहे. त्याच्यावर पुन्हा मोया अंतर्गत कारवाई करून कायदेशीर कारवाई करण्यात यावी. नील क्रांती चौक मित्र मंडळाच्या निर्दोष कार्यकर्त्यांवर दाखल झालेला गुन्हा मागे घेण्यात यावा.
अशी मागणी पोलीस अधीक्षक राकेश ओला व पोलिस उपअधीक्षक अमोल भारती यांच्याकडे केली आहे. यावेळी आंबेडकरी चळवळीचे अशोक गायकवाड, सुरेश बनसोडे, सुनील शेत्रे, बंडू आव्हाड, सुमेध गायकवाड, किरण दाभाडे, सुशांत महस्के, प्रतीक बारसे, संजय जगताप, विशाल गायकवाड, योगेश साठे, जयाताई गायकवाड, गणेश गायकवाड, प्रमोद पडागळे, महेश भोसले, पवन भिंगारदिवे, जय कदम, वैभव कांबळे, संदीप वाकचौरे, विशाल भिंगारदिवे आदीसह महिला मोठ्या संख्येने उपस्थित होते.
