मुंबई। नगर सहयाद्री-
लोकसभा निवडणुकांच्या प्रचाराची रणधुमाळी सगळीकडे सुरू झाली आहे. सर्वच राजकीय पक्षांकडून आरोप प्रत्यारोप आणि हेवे दावे करण्यात येत आहेत. त्यातच आता लोकसभेपूर्वीच उद्धव ठाकरे यांना पुन्हा एक धक्का बसणार आहे.
अनेक विश्वासू लोकांनी उद्धव ठाकरे यांची साथ सोडून एकनाथ शिंदे यांच्या शिवसेनेत प्रवेश केला आहे. अता नाशिकमधील शिवसेना नेते आणि माजी मंत्री बबनराव घोलप आज ६ एप्रिल रोजी शिंदे गटात प्रवेश करणार असल्याची माहिती समोर आली आहे. बबनराव घोलप यांनी पाच वेळेस देवळाली मतदार संघाचे प्रतिनिधित्व केले आहे. तर, युती सरकारच्या काळात ते मंत्री होते.
शिर्डीच्या उमेदवारीत डावल्याने बबनराव घोलप नाराज होते. यामुळे आज ते शिंदे गटात जाणार असल्याची माहिती सूत्रांनी दिली असून बबनराव घोलप यांचा आज संध्याकाळी चार वाजता वर्षा बंगल्यावर मुख्यमंत्री एकनाथ शिंदे यांच्या उपस्थितीत प्रवेश सोहळा होणार आहे.
