मराठा समाजाला आरक्षण मिळावे यासाठी या तरुनानाने आत्महत्या केली आहे, असा दावा गावातील नागरिकांनी केला आहे.
नांदेड । नगर सह्याद्री
मराठा समाजाला आरक्षण मिळावे यासाठी राज्यामध्ये अनेक ठिकाणी आंदोलने झाले. मराठा समाजाच्या मागण्या मान्य करा, अशी मागणी आंदोलक राज्य सरकारकडे करीत आहेत. अशातच नांदेड जिल्ह्यातील तरुणाने मराठा आंदोलनासाठी आपली जीवनयात्रा संपवल्याचा धक्कादायक प्रकार समोर आला आहे.
घडलेली घटना हिमायतनगर तालुक्यातील कामारी गावात रविवारी दुपारच्या दरम्यान घडली. सुदर्शन देवराये असं आत्महत्या केलेल्या तरुणाचे नाव आहे. मराठा समाजाला आरक्षण मिळावे यासाठी या तरुनानाने आत्महत्या केली आहे, असा दावा गावातील नागरिकांनी केला आहे. या घटनेनंतर कामारी गावातील मराठा आंदोलनाच फोटो आणि व्हिडीओ सोशल मीडियावर व्हायरल झाले आहेत. या घटनेने दु:ख व्यक्त करून सरकारविरोधात तीव्र संताप व्यक्त केला आहे.
या घटनेमुळे संपूर्ण गावावर शोककळा पसरली आहे. काही दिवसांपूर्वी मराठा आरक्षणाच्या मागणीत कायम अग्रेसर असणाऱ्या बीड जिल्ह्यातील नायगाव (ता. पाटोदा) येथील एका व्यक्तीने गळफास लाऊन आत्महत्या केली होती. त्यामुळे सरकारने लवकरात लवकर मागणी पूर्ण करण्याची विनंती नागरिकांनी केली आहे.
COMMENTS