आम्ही युतीस तयार आहे, पंकजा मुंडेंनी १०-१५ आमदार आणावेत : बच्चू कडूंचे आवाहन

शिंदेंच्या सरकारमध्ये मंत्रिपद न मिळाल्याने नाराज असलेले माजी मंत्री बच्चू कडू म्हणाले की, आम्ही तुमच्यासोबत युती करण्यास तयार आहे.

मुंबई । नगर सह्याद्री 

विरोधक कोण आहेत ते समजताच नाही, सगळे मिळून सरकारमध्ये आहेत असे भाजपा नेत्या पंकडा मुंडे नाशिकमध्ये म्हणाल्या. यावर शिंदेंच्या सरकारमध्ये मंत्रिपद न मिळाल्याने नाराज असलेले माजी मंत्री बच्चू कडू म्हणाले की, आम्ही तुमच्यासोबत युती करण्यास तयार आहे. 

त्यांच्यात क्षमता आहे, यात मला काही शंका नाही. परंतु स्वतःचे दहा पंधरा आमदार असतील, तर मग आम्हीही पंकजांसोबत युती करू, असे यावेळी म्हणाले. तुम्ही लोकं जमा करताय पण लोकांची कामे देखील करावी लागतात. त्यांनी मनावर घेतले, तर त्या करूही शकतात. मराठा समाजाला ओबीसी मधूनच आरक्षण देण्यात यावे. 

मराठा हे कुणबी आहेत, हे सूर्याइतके सत्य आहे. या अगोदर तीन विरोधी पक्षनेते सत्तेत गेले, आता विजय वडेट्टीवार यांची काय गॅरंटी आहे? असा सवाल बच्चू कडू यांनी उपस्थित केला. तसेच गेल्या पन्नास वर्षात जे झाले नाही ते गेल्या पाच वर्षांत झाल्याचे कडू म्हणाले.