पुसेसावळी शहरात सोशल मीडियावर आक्षेपार्ह पोस्ट केल्याप्रकरणी दोन गटात जोरदार दगडफेक झाली.
सातारा । नगर सह्याद्री
सातारा जिल्ह्यामधील खटाव तालुक्यातील पुसेसावळी शहरात सोशल मीडिया पोस्टवरुन दोन गटामध्ये वाद झाल्याचा प्रकार समोर आला आहे. याप्रकरणी समाजमाध्यमावर आक्षेपार्ह मजकूर प्रसारित झाल्याने खटाव तालुक्यातील पुसेसावळी येथे तीव्र पडसाद उमटले आहेत. या घटनेनंतर दोन गट आमने- सामने आल्याने दगडफेक झाल्याने एकाचा मृत्यू झाला आहे.
सविस्तर माहिती अशी की, पुसेसावळी शहरात सोशल मीडियावर आक्षेपार्ह पोस्ट केल्याप्रकरणी दोन गटात जोरदार दगडफेक झाली. त्यामुळे पुसेसावळी शहर परिसरात तणावाचे वातावरण निर्माण झाले. सोशल मीडियावरील एका पोस्टमुळे काळ रात्री 9.30 च्या दरम्यान हा संपूर्ण प्रकार घडला. या हल्ल्यात चार जण जखमी झाले असून एकाचा मृत्यू झाला आहे.
सातारा जिल्हा पोलीस प्रशासनाने तात्काळ धाव घेत परिस्थिती आटोक्यात आणली. त्यानंतर घटनास्थळावर पोलिसांचा मोठा बंदोबस्त तैनात करण्यात आला. घडलेल्या घटनेमुळे साताऱ्यातील इंटरनेट सेवा बंद करण्यात आली होती. सातारा जिल्हा पोलीस प्रशासनाने अफवांवर विश्वास न ठेवण्याचे आवाहन नागरिकांना केले आहे.
COMMENTS