भरधाव टेम्पोने मोटारीला धडक दिल्याने गाडीमधील दोन महिलांसह तिघांचा मृत्यू झाल्याची घटना पुणे-नगर महामार्गावरील शिरुर परिसरात घडली.
पुणे । नगर सह्याद्री
भरधाव टेम्पोने मोटारीला धडक दिल्याने गाडीमधील दोन महिलांसह तिघांचा मृत्यू झाल्याची घटना पुणे-नगर महामार्गावरील शिरुर परिसरात घडली. अनिता राजू बोरुडे (४०), योगिता सुनील बोरुडे (४०), राजू अशोक शिंदे असे अपघातात मृत्यू झाली आहेत. अपघातात किशोरी सुनील बोरुडे (१७) तसेच टेम्पोचालक श्रीराम बापू मांडे, धीरज कांतीलाल लोखंडे हे तीनजण जखमी असून त्याच्यावर शिक्रापूर येथील खासगी रुग्णालयात उपचार सुरु आहेत.
याप्रकरणी टेम्पोचालक श्रीराम मांडे याच्याविरुद्ध गुन्हा दाखल दाखल करण्यात आला आहे. अविनाश निवृत्ती बोरुडे यांनी शिक्रापूर पोलीस ठाण्यात टेम्पोचालकाविरोधात फिर्याद दाखल केली आहे. रविवारी सायंकाळच्या दरम्यान पुणे-नगर महामार्गावरुन मोटार निघाली असताना न्हावरा गाव परिसरात मालवाहतूक करणाऱ्या भरधाव टेम्पोने मोटारीला धडक दिली.
अपघातामध्ये अनिता बोरूडे, योगिता बोरूडे, राजू शिंदे गंभीर जखमी झाले आहेत. अपघाताची माहिती मिळताच शिक्रापूर पोलिसांनी घटनास्थळी दाखल झाले असून जखमीं सर्व रुग्णाला उपचारासाठी दाखल केले. अपघातानंतर वाहतूक विस्कळीत झाल्याने अपघातग्रस्त वाहने क्रेनच्या सहायाने बाजूला काढून वाहतूक सुरळीत करण्यात आली.
COMMENTS