माझ्यासोबत विवाह कर असे म्हणत काढत होता मुलीची छेड, पोलीसांनी शिकवला चांगलाच धडा

मुलगी एकटी असल्याची संधी साधून 23 वर्षीय आरोपी पाठलाग करत लग्न कर नाहीतर माझ्यासोबत पळून चाल असे म्हणत मुलीला धमकी देत असे.

बीड । नगर सह्याद्री 

माझ्यासोबत लग्न कर, नाहीतर पळून चल, अशा धमक्या देत मुलीची छेडछाड केल्याची घटना बीडच्या आष्टी तालुक्यात घडली. याप्रकरणी आरोपी तरुणावर आष्टी पोलिस ठाण्यात गुन्हा दाखल करण्यात आला. 

एकतर्फी प्रेमामधून आरोपी तरुणीचा पाठलाग करत होता. मुलगी एकटी असल्याची संधी साधून 23 वर्षीय आरोपी पाठलाग करत लग्न कर नाहीतर माझ्यासोबत पळून चाल असे म्हणत मुलीला धमकी देत असे. 

घडत असलेला प्रकार मुलीने कुटुंबियाला सांगितला. त्यानंतर मुलीच्या आईवडिलांनी आष्टी पोलीस ठाण्यात धाव घेऊन आरोपीविरोधात बाललैंगिक अत्याचार कलमाअंतर्गत गुन्हा दाखल करण्यात आला आहे.