नगर सह्याद्री टीम SIP Investment : सध्याची बदलती जीवनशैली व महागाई पाहिली तर कोट्यधीश बनणं ही काळाची गरज बनली आहे. त्यासाठी तुम्हाला आजपासू...
नगर सह्याद्री टीम
SIP Investment : सध्याची बदलती जीवनशैली व महागाई पाहिली तर कोट्यधीश बनणं ही काळाची गरज बनली आहे. त्यासाठी तुम्हाला आजपासूनच योजना तयार करावी लागेल.
तुम्ही योग्य पद्धतीने नियोजन केले तर २० वर्षानंतर कोट्यधीश बनू शकता. त्यासाठी पैसे योग्यठिकाणी गुंतवणे गरजेचे आहे. आजच्या काळात, SIP हे गुंतवणुकीचं साधन बनलं आहे, ज्याद्वारे कोणतीही व्यक्ती स्वतःला सहजपणं कोट्यधीश बनवू शकते.
म्युच्युअल फंडात एसआयपीद्वारे गुंतवणूक केली जाते. बाजारपेठेशी जोडलेले असल्यामुळे त्यात जोखीम थोडी अधिक असते आणि परताव्याची कोणतीही हमीही नसते. परंतु तरीही, गेल्या काही वर्षांत, एसआयपीनं सरासरी १२ टक्क्यांपर्यंत परतावा दिला आहे.
किती करावी लागेल गुंतवणूक
जर तुम्हाला येत्या २० वर्षात कोट्यधीश व्हायचं असेल, तर तुम्हाला दीर्घ काळासाठी एसआयपीमध्ये गुंतवणूक करावी लागेल. जर तुम्ही दरमहा १०,००० रुपये गुंतवले तर तुम्ही २० वर्षात स्वतःला सहजपणे कोट्यधीश बनवू शकता.
एसआयपी कॅल्क्युलेटरनुसार, तुम्ही २० वर्षे सतत १० हजार रुपये जमा केल्यास, तुमची एकूण गुंतवणूक २४,००,००० रुपये होईल. परं यावर १२ टक्के दरानं तुम्हाला ७५,९१,४७९ रुपये रिटर्न मिळतील. यानुसार, तुम्हाला ९९,९१,४७९ रुपये म्हणजेच मॅच्युरिटीवर अंदाजे १ कोटी रुपये मिळतील.
(टीप - यामध्ये सामान्य माहिती देण्यात आली आहे. हा गुंतवणूकीचा सल्ला नाही. तुम्हाला गुंतवणूक करायची असेल तर तज्ज्ञांचा सल्ला घ्या व नंतरच गुंतवणूक करा )
COMMENTS