मराठा समाजाला 16 टक्के तर मुस्लिम समाजाला पाच टक्के आरक्षण देण्यासाठी मागणी करण्यात आली.
बीड । नगर सह्याद्री
जालना जिल्ह्यातील अंतरवाली सराटी येथील मराठा आंदोलकांवर पोलिसांनी केलेल्या लाठी हल्ल्याच्या निषेध म्हणून दिंद्रुड येथील नागरिकांनी मुख्यमंत्री, उपमुख्यमंत्र्यांची प्रतीकात्मक तिरडी खांद्यावर घेत अंत्ययात्रा काढण्यात आली. यावेळी आंदोलकांनी जोरदार घोषणाबाजी करत घटनेचा निषेध केला.
आज सकाळच्या दरम्यान छत्रपती संभाजी महाराज चौकातून मुख्यमंत्री एकनाथ शिंदे, उपमुख्यमंत्री अजित पवार व उपमुख्यमंत्री देवेंद्र फडणवीस यांची अंत्ययात्रा काढण्यात आली. यावेळी तिरडीला चपलेचा हार, कपाळाला एक रुपया, तिरडीवर गुलाल टाकून शासना विरोधात घोषणा करण्यात आली. त्यानंतर ही अंत्ययात्रा स्मशानभूमीत नेण्यात आली.
मराठा समाजाला 16 टक्के तर मुस्लिम समाजाला पाच टक्के आरक्षण देण्यासाठी मागणी करण्यात आली. आतापर्यंत शांततेत केलेल्या आंदोलनाचे फळ म्हणून आमच्या महिला भगिनींवर झालेला हल्ला हा घृणास्पद असून लोकशाही मार्गाने कायद्याच्या चौकटीत राहून आता तीव्र आंदोलन छेडण्याचा इशारा दिंद्रुड व पंचक्रोशीतील नवयुवकांनी या आंदोलनातून दिला.
COMMENTS