कोपर्डी घटनेतील आरोपीने केले धक्कादायक कृत्य! पाहून पोलीसही हादरले

अहमदनगर जिल्ह्यातल्या कोपर्डी येथे १३ जुलै २०१६ च्या संध्याकाळी एका अल्पवयीन मुलीवर बलात्कार करून तिची निर्घृण हत्या करण्यात आली होती.

पुणे । नगर सह्याद्री 

अहमदनगरच्या कोपर्डी बलात्कार घटनेमधील मुख्य आरोपी जितेंद्र शिंदे यांनी पुण्यामधील येरवडा कारागृहात गळफास घेऊन आत्महत्या केल्याचा धक्कादायक प्रकार समोर आला आहे. आज पहाटेच्या दरम्यान पोलीस गस्ती घालत असताना आत्महत्येचा प्रकार उघडकीस आला. घटनेची माहिती मिळताच वरिष्ठ अधिकाऱ्यांनी घटनास्थळी धाव घेतली. 

अवघ्या महाराष्ट्राला हादरावून सोडणाऱ्या कोपर्डी बलात्कार प्रकरणी आरोपी जितेंद्र शिंदे याला येरवडा कारागृहात जन्मठेपेची शिक्षा सुनावण्यात आली होती. परंतु आज सकाळी पहाटेच्या दरम्यान त्याने गळफास घेऊन आत्महत्या केली. कारागृहात पोलीस गस्तीवर गेले असताना जितेंद्र शिंदेचा मृतदेह आढळून आला.

अहमदनगर जिल्ह्यातल्या कोपर्डी येथे १३ जुलै २०१६ च्या संध्याकाळी एका अल्पवयीन मुलीवर बलात्कार करून तिची निर्घृण हत्या करण्यात आली होती. याप्रकरणी आरोपी जितेंद्र शिंदेसह तीन जणांना २९ नोव्हेंबर २०१७ ला अहमदनगरच्या विशेष न्यायालयाने दोषी ठरवले होते.