मुंबई / नगर सह्याद्री जीएसटी विभागातील नोकरी सोडून कृती वर्मा ही अभिनेत्री झाली. परंतु आता ती स्वतः, तिचा प्रियकर आणि व्यावसायिक भूषण पाटील...
जीएसटी विभागातील नोकरी सोडून कृती वर्मा ही अभिनेत्री झाली. परंतु आता ती स्वतः, तिचा प्रियकर आणि व्यावसायिक भूषण पाटील, माजी आयकर निरीक्षक तानाजी अधिकारी आणि इतरांवर गंभीर आरोप केले गेले आहेत.
ईडीने मनी लॉन्ड्रिंग प्रकरणात विशेष न्यायालयात आरोपपत्र सादर केले आहे. २६४ कोटींच्या फसव्या टीडीएस परतावा प्रकरणात ते आरोपी आहेत. ईडीने या प्रकरणात अनेक आरोपींची नावे लिहिली आहेत.
ईडीने या प्रकरणात १६६ कोटी रुपयांची मालमत्ता आणि मौल्यवान वस्तू जप्त करून गोठवल्या होत्या फसवणुकीचा प्रकार घडल्याच्या तीन वर्षांहून अधिक काळानंतर, २०२० मध्ये आपण भूषण पाटीलच्या आयुष्यात आल्याचे सांगून कृती वर्माने फसवणूक केल्याचा आरोप फेटाळला आहे.
तानाजी अधिकारीशी आपला कोणताही संबंध नसल्याचा दावा तिने केला. कृती वर्मा हिने बिग बॉस, रोडीज एक्स्ट्रीम यासारख्या रिअॅलिटी शोमध्ये सहभाग घेतला होता. कृती भूषण पाटीलसह रिलेशीनशीपमध्ये आहे. भूषण आणि तानाजी अधिकारी या प्रकरणात प्रमुख आरोपी आहेत. ईडीने सांगितले की, बेकायदेशीरपणे कमावलेला बराचसा पैसा भूषण पाटील यांच्या खात्यात वळवण्यात आला. तर काही रक्कम कृती वर्माच्या नावाने मालमत्ता खरेदी करण्यासाठी वापरली गेली.
COMMENTS