जालना | नगर सह्याद्री मराठा आरक्षण प्रश्नी उपोषण मनोज जरांगे पाटील यांचे १५ दिवसांपासून उपोषण सुरु आहे. सरकार अनेक तर्हेने प्रयत्न करत आह...
जालना | नगर सह्याद्री
मराठा आरक्षण प्रश्नी उपोषण मनोज जरांगे पाटील यांचे १५ दिवसांपासून उपोषण सुरु आहे. सरकार अनेक तर्हेने प्रयत्न करत आहे. आता एक मोठी बातमी समोर अली आहे. आज पुन्हा एक शिष्टमंडळ मनोज जरांगे पाटील यांच्या भेटीला गेलेले आहे.
मंत्री संदीपान भुमरे आणि माजी मंत्री अर्जुन खोतकर हे मनोज जरांगे यांच्या भेटीला पोहोचले आहेत. यांच्या सोबत संभाजी भिडे देखील आहेत. काल सर्वपक्षीय बैठकीत झालेल्या निर्णयाबाबत मनोज जरांगे यांच्याशी या नेत्यांनी चर्चा केली आहे.
या चर्चेनंतर मनोज जरांगे पाटील काय निर्णय घेणार याकडे सर्व महाराष्ट्राचं लक्ष लागलं आहे. मनोज जरांगे यांची प्रकृती रात्रीपासून खालावली आहे. त्यांना सलाईन लावण्यात आली आहे. तब्येतीला सांभाळा. उपोषण मागे घ्या, अशी विनंती यावेळी करण्यात आली.
संदीपान भुमरे आणि अर्जुन खोतकर यांच्यासोबतच संभाजी भिडे यांनी मनोज जरांगे यांचं मन वळवण्याचा प्रयत्न केला. पण मनोज जरांगे अद्यापही आपल्या भूमिकेवर ठाम आहेत. मी थोड्या वेळात माध्यमांशी बोलेन. तेव्हा माझी भूमिका स्पष्ट करतो, असं जरांगे म्हणाले आहेत.
त्यामुळे आता ते काय निर्णय घेणार याकडे सर्वांचे लक्ष आहे. मनोज जरांगे यांची भेट घेतल्यानंतर जरांगे यांनी अद्याप आपला निर्णय सांगितलेला नाही. त्यामुळे या भेटीनंतर लगेचच अर्जुन खोतकर आणि संदीपान यांची बैठक सुरू झाली आहे. आंदोलन सोडवण्याच्या पार्श्वभूमीवर बैठक सुरू आहे.
ग्रामपंचायत कार्यालयात बैठक सुरू झाली आहे. त्यामुळे मनोज जरांगे पाटील आज दुपारी काय भूमिका घेणार याकडे सर्वांचं लक्ष लागलं आहे.
COMMENTS