अहमदनगर / नगर सहयाद्री अहमदनगर जिल्ह्यात गुन्हेगारी घटनांमध्ये वाढ होताना दिसते. आता एक धक्कादायक बातमी नगर तालुक्यातील एका गावातून आली आह...
अहमदनगर / नगर सहयाद्री
अहमदनगर जिल्ह्यात गुन्हेगारी घटनांमध्ये वाढ होताना दिसते. आता एक धक्कादायक बातमी नगर तालुक्यातील एका गावातून आली आहे.
प्रेम संबंध असताना काढलेले फोटो व्हायरल करण्याची धमकी देत तरुणीवर अत्याचार करण्यात आला. त्यानंतर त्या मुलीचे लग्न मोडले. पवन नंदू सोनवणे (रा. जेऊर बायजाबाई ता. नगर) याविरोधात गुन्हा दाखल करण्यात आला आहे.
नगर तालुक्यातील एका गावात राहणारी फिर्यादी मुलगी सन 2019 ते जुलै 2021 या दरम्यान अल्पवयीन असताना पवन सोनवणे याने तिच्या बरोबर प्रेम संबंध ठेवले. तिच्या सोबत फोटो काढून ते फोटो नातेवाईकांना पाठविण्याची धमकी देत तिच्यावर अत्याचार केला.
तसेच पीडित मुलगी वयात आल्यानंतर 13 जानेवारी 2022 रोजी माळीवाडा येथील एका लॉजवर घेऊन जात तिच्यावर पुन्हा अत्याचार केला. दरम्यान, पीडित मुलीचे लग्न जमलेले असताना तिच्याबाबत लोकांना सांगून जमलेले लग्न मोडले. हा सर्व प्रकार असह्य झाल्याने पीडितेने पोलिसांत धाव घेतली.
एमआयडीसी पोलिसांनी तिची फिर्याद नोंदवून घेत पवन सोनवणे विरोधात अत्याचार, पोक्सो कलमान्वये गुन्हा दाखल केला आहे.
COMMENTS