आमदार लंके यांचे तहसीलदारांना निवेदन; 'या' आहेत मागण्या

पारनेर | नगर सह्याद्री जालना जिल्ह्यातील अंतरवाली सराटी येथे शांततेच्या मार्गाने आंदोलन करत असलेल्या आंदोलकांवर झालेल्या लाठी चार्जचानिषेधार...

पारनेर | नगर सह्याद्री

जालना जिल्ह्यातील अंतरवाली सराटी येथे शांततेच्या मार्गाने आंदोलन करत असलेल्या आंदोलकांवर झालेल्या लाठी चार्जचानिषेधार्थ आ.लंके यांनी तहसीलदारांना निवेदन देवून मराठा समाजाला न्याय मिळवून देण्याची मागणी केली आहे.

आ. निलेश लंके यांनी तहसीलदारांना दिलेल्या निवेदनात म्हटले की, जालना जिल्ह्यातील अंतरवाली सराटी येथे मराठा समाजाला आरक्षण मिळावे यासाठी उपोषणास बसलेल्या नागरिकांवर पोलिसांनी अमानुषपणे लाठीचार्ज केल्याने ह्या लाठीचार्ज मध्ये अनेक तरुण, माता भगिनी जखमी झाले आहेत. 

सदर घटनेची शासनाने सखोल चौकशी करून दोषी अधिकारी यांच्यावर तात्काळ कारवाई करावी. तसेच लवकरात लवकर मराठा समाजाला त्यांच्या हक्काचे आरक्षण शासनाने दिले पाहिजे. आपण जनतेचा लोकप्रतिनिधी म्हणून याप्रश्नी निश्चित सरकार दरबारी पाठपुरावा करेलच मराठा समाजाला न्याय मिळावा ही आमची आग्रही भूमिका असून आपण सुद्धा मराठा समाजाच्या तीव्र भावनांचा विचार करून शासन दरबारी आपल्या मार्फत मराठा समाजाच्या भावना कळवाव्यात असेही निवेदनात नमूद करण्यात आले आहे.

यावेळी व्यापारी संघटनेचे अध्यक्ष मारुती रेपाळे, शिक्षक नेते रा. या. औटी, पत्रकार संजय वाघमारे, अ‍ॅड. राहुल झावरे, भाऊसाहेब भोगाडे, राजेश चेडे, दत्ता दिवटे, दत्ता ठाणगे, बाळा ब्राह्मणे, महेंद्र गायकवाड, वैभव गायकवाड, विजय डोळ, रामिज राजे, अमित जाधव, जितेश सरडे, प्रमोद कळमकर, योगेश मते, सचिन नगरे, तुषार सोनवणे आदी उपस्थित होते.