ओरंगजेबचे पोस्टर झळकवणे पडले महागात; आरोपीवर मोठी कारवाई

अहमदनगर  / नगर सह्याद्री -  नगरमध्ये मिरवणुकीत औरंगजेबचे पोस्टर झळकवणारा मोहमंद सर्फराज इब्राहिम सय्य्द उर्फ सर्फराज जहागिरदार यास अहमदनगर ज...

अहमदनगर  / नगर सह्याद्री - 

नगरमध्ये मिरवणुकीत औरंगजेबचे पोस्टर झळकवणारा मोहमंद सर्फराज इब्राहिम सय्य्द उर्फ सर्फराज जहागिरदार यास अहमदनगर जिल्ह्यातून दोन वर्षासाठी हद्दपार करण्यात आले आहे. 

शहरातील फकीरवाडा परिसरात चार जूनला दम बारा हजारी दर्ग्याजवळ निघालेल्या सदंल उरुस मिरवणुकीत औरंगजेबची प्रतिमा असलेले फलक झळकावण्याचा प्रकार घडला होता. या घटनेचा व्हिडीओ सोशल मीडियावर व्हायरल झाल्यानंतर या प्रकरणी भिंगार कॅम्प पोलिस ठाण्यात चार जणांवर गुन्हा दाखल केला होता. 

दम बारा हजारी दर्ग्याजवळ निघालेल्या संदल उरुस मिरवणुकीत यातील चौघांनी संगनमताने औरंगजेब याची प्रतिमा असलेले फलक घेऊन बाप तो बाप होता है, बेटा तो बेटा होता है अशा घोषणा दिल्या होत्या. भिंगार कॅम्प पोलिसांनी मोहमंद सर्फराज इब्राहिम सय्य्द उर्फ सर्फराज जहागिरदार (रा. दर्गादायरा), अफनान आदिल शेख उर्फ खडा (रा. वाबळे कॉलनी), शेख सरवर (रा. झेंडीगेट), जावेद शेख उर्फ गब्बर (रा. आशा टॉकीज चौक) यांच्या विरुद्ध गुन्हा दाखल केला होता.

याचे तीव्र पडसाद अहमदनगर जिल्ह्यासह महाराष्ट्रात उमटले होते. आरोपींवर कठोर कारवाई करण्याची मागणी होत होती. घटनेचे गांभीर्य ओळखून भिंगार पोलिसांनी सर्फराज शेख याचा हद्दपारीचा प्रस्ताव पाठवला होता. यावर शिक्कामोर्तब झाले असून विभागीय दंडाधिकारी यांनी सर्फराजला दोन वर्षासाठी अहमदनगर जिल्ह्यातून हद्दपार केले आहे.