सीआरपीसी १५१(३) अंतर्गत पोलीसांनी त्याच्यावर कारवाई केल्याची माहिती मिळाली आहे.
मुंबई । नगर सह्याद्री
इन्स्टाग्रामवर पाकिस्तानच्या स्वातंत्र्य दिनानिमित्त स्टोरी ठेवणाऱ्यांविरोधात कुलाबा पोलीस ठाण्यात कारवाई करण्यात आली आहे. जातीय तेढ निर्माण करणे व पाकिस्तानच्या स्वातंत्र्य दिनानिमित्त स्टेटस टाकल्या प्रकरणी सोमवारी मुंबई पोलिसांना माहिती देण्यात आली होती. त्यानंतर कुलाबा पोलीस व दहशतवादविरोधी पथकाने घटनास्थळी धाव घेतली.
पोलीसांनी तपासणी केल्यानंतर १९ वर्षीय तरुणांने मोबाईलवर पाकिस्तानच्या स्वातंत्र्य दिनानिमित्त स्टेटस ठेवल्याचे निष्पन्न झाले. पोलिसांनी स्टेटसची लिंक सेव्ह करून त्याची छायाचित्रे काढून ठेवली आहेत.
स्टोरी ठेवल्यामुळे जातीय तेढ निर्माण होण्याची शक्यता लक्षात घेता पोलिसांनी प्रतिबंधात्मक उपाय म्हणून त्यांना अटक केली आहे. सीआरपीसी १५१(३) कायद्या अंतर्गत पोलीसांनी त्याच्यावर कारवाई केल्याची माहिती मिळाली आहे.
COMMENTS