मांढळ येथील अनेक दुकानात व्यवसाय व विक्री कराचा भरणा केला की नाही असे विचारून दंडाची वसुली करण्यासाठी आल्याचे सांगून व्यापाऱ्याकडून मुद्देमाल जप्त केल
नागपूर । नगर सह्याद्री
जीएसटी अधिकारी असल्याचे सांगून व्यापाऱ्यांकडून दंड वसूल करून दोन जण पसार झाल्याचा धक्कादायक प्रकार समोर आला आहे. मांढळ येथील व्यापाऱ्यांकडून ही दंड वसूली करण्यात आली. संशय आल्यानंतर चौकशी केली असता व्यापाऱ्यांची फसवणूक झाल्याचे समोर आले.
मंगळवारी दुपारी १ ते ४ च्या दरम्यान दोन बनावट अधिकाऱ्यांनी जीएसटी अधिकारी असल्याचे सांगितले. मांढळ येथील अनेक दुकानात व्यवसाय व विक्री कराचा भरणा केला की नाही असे विचारून दंडाची वसुली करण्यासाठी आल्याचे सांगून व्यापाऱ्याकडून मुद्देमाल जप्त केला. व्यापारी संघटनेचे अध्यक्ष व बुद्धे कृषी केंद्राचे मालक राजीव बुद्धे यांच्याकडेही विचारणा केली असता, त्यांनी आमच्या गावचेच व्यक्ती जीएसटीमध्ये मुख्य पदावर कार्यरत असल्याचे सांगताच बनावट अधिकाऱ्यांनी घटनास्थळावरून पळ काढला.
या दोन्ही बनावट अधिकाऱ्यांनी विकास इलेक्ट्रिकलचे प्रकाश भोयर, धनराज वैद्य, नळी फिटिंगच्या साहित्याच्या दुकानाचे झुरमुरे, महाजन कृषी केंद्राचे अजय निरगुलकर, अजय महाजन, धीरज जीवनकर, अमोल साेनकुसरे यांच्यासह मांढळ येथील किराणा दुकानदार, कापड दुकानदार यांच्याकडून दंड वसुली केली.
COMMENTS